Nepal Times
Nepal Times
387
Shares

भाजपाले बाँसुरीलाई बनायो लोकसभाको उम्मेदवार

भाजपाले बाँसुरीलाई बनायो लोकसभाको उम्मेदवार

२१ फागुन ,  एजेन्सी । 
भारतीय जनता पार्टीले दिवंगत पूर्व केन्द्रीय मन्त्री सुष्मा स्वराजकी छोरी बाँसुरी स्वराजलाई उम्मेदवार बनाएको छ । उनलाई २०२४ मा हुन गइरहेको लोकसभा निर्वाचनका लागि भाजपाले नयाँदिल्लीबाट उम्मेदवार बनाउने घोषणा गरेको छ । बाँसुरीलाई हालकी सांसद एवं मोदी सरकारका विदेशमन्त्री एस जयशंकरकी जूनियर मन्त्री मिनाक्षी लेखीको स्थानमा उमेद्वार बनाइएको हो ।

भारतीय मिडियाहरुका अनुसार पूर्व विदेश मन्त्री सुष्मा स्वराजकी छोरी बांसुरी स्वराजलाई नयाँ दिल्ली सीटबाट मैदानमा उतार्ने निर्णय लिनुका पछाडि पार्टी कार्यकर्ताहरुबीच उनलाई प्राप्त समर्थन हो । पछिल्ला दिनहरुमा उनी कार्यकर्ताहरुसंग जोडिने कुरामा निकै सक्रिय रहेकी छिन् ।

दिल्ली बीजेपीका एक वरिष्ठ नेता भन्छन्, ’’उनी निकै मिलनसार छिन र पार्टी कार्यकर्ताहरु उनमा दिवंगत आमा सुष्मा स्वराजको छवि देख्छन्’’ । यता बाँसुरी स्वराजले पनि उम्मेदवार बनेपछि खुसी व्यक्त गरेकी छिन् । उनले भनिन्, ‘म प्रधानमन्त्री नरेन्द्र मोदी र अमित शाह जीप्रति धेरै आभारी छु ।

मलाई मौका दिनु भएकोमा म भाजपाका हरेक नेतालाई धन्यवाद दिन चाहन्छु ।’ उनले अगाडि भनिन, ‘यसपटक फेरि मोदी सरकारको संकल्पका साथ भाजपाका कार्यकर्ताहरू नयाँ दिल्ली लोकसभा सिटमा जानेछन् र म ढुक्क छु कि फेरि पनि प्रधानमन्त्री मोदीलाई देशको प्रधानमन्त्री बनाइने छ ।’

आमा सुष्मा स्वराजलाई सम्झँदै बाँसुरी स्वराजले भनिन्, ‘मसँग आमाको आशीर्वाद छ तर त्यो टिकट पाएको छैन । भाजपाका हरेक कार्यकर्ताले यो टिकट पाएका छन् ।’ पेसाले वकिल बनेकी बाँसुरी स्वराजले वारविक विश्वविद्यालयबाट अङ्ग्रेजी साहित्यमा बीए (अनर्स) गरेपछि लन्डनको बीपीपी ल स्कूलमा कानुनको अध्ययन गरेकी थिइन् ।

उनले अक्सफोर्ड युनिभर्सिटीको सेन्ट क्याथरिन कलेजबाट मास्टर अफ स्टडीज पनि पूरा गरिन् भने बाँसुरी स्वराज २००७ मा बार काउन्सिल अफ दिल्लीमा भर्ना भएकी थिइन् । भाजपाकी प्रभावशाली नेतृ तथा पूर्वविदेश मन्त्री स्वराजको ४ वर्षअघि ह्दयघातका कारण निधन भएको थियो ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.