२३ चैत , एजेन्सी ।
राष्ट्रिय सभा सदस्य चयनका लागि कुवेतका मतदाताले बिहीवारदेखि मतदान शुरु गरेका छन् । शेख मिशाल अल–अहमद अल–जाबेर अल–सबाहले देशमा सत्ता सम्हालेपछि यो पहिलो संसदीय चुनाव हो । लगभग ८ लाख ४४ हजार योग्य मतदाताहरूले २ सय उम्मेद्वारमध्ये ५० प्रतिनिधिहरू चयन गर्नेछन् ।
कुवेतका प्रत्येक नागरिकले मतदानमा भाग लिनुपर्ने प्रावधान रहेको मतदाताले बताए । देशको लोकतान्त्रिक कार्यमा भाग लिनु राम्रो हुने मतदाता अब्दुल रहमान अल–मुखाइजिम बताउँछन् । कुवेतको राष्ट्रिय सभाको अन्तिम चुनाव जुन ६, २०२३ मा भएको थियो ।
