Nepal Times
Nepal Times
3
Shares

रुसले रसायनिक हतियार प्रयोग गर्दैछ ?

रुसले रसायनिक हतियार प्रयोग गर्दैछ ?

२० वैशाख ,एजेन्सी ।
रूस र यूक्रेन बीच युद्ध जारी छ । यसैबीच बुधवार संयुक्त राज्य अमेरिकाले रूसमाथि यूक्रेनविरुद्ध अंतर्राष्ट्रिय रसायनिक हतियार प्रतिबंधको उल्लंघन गरेको आरोप लगाएको छ । अमेरिकाको भनाई छ कि रूसले यूक्रेनी सैनिकहरुविरुद्ध चोकिंग एजेंट क्लोरोपिक्रिन तैनाथ गरेको छ ।

अमेरिकाले रूसमाथि यूक्रेनमा दंगा नियंत्रण एजेंटहरुको पनि प्रयोग गरेको आरोप लगाएको छ । क्लोरोपिक्रिनलाई रासायनिक हतियार निषेध संगठन (ओपीसीडब्ल्यू) ले प्रतिबंधित चोकिंग एजेंटका रूपमा सूचीबद्ध गरेको छ । अमेरिकी विदेश विभागले एक बयानमा भनेको छ, रूसी सेनाले यूक्रेनी सेनाहरुलाई उनीहरुको गढबाट हटाउनका लागि यस्ता रसायनहरुको प्रयोग गरिरहेको छ ।

यसअघि हालै एक मीडिया रिपोर्टले यूक्रेनी सेनालाई उदृत गर्दै भनेको थियो, कि रूसले एजेंटहरुको अवैध उपयोगलाई बृद्धि गरेको छ । यूक्रेनी सेनाको भनाई छ कि रूसले क्लोरोपिक्रिनका अलावा, सीएस र सीएन ग्यासहरुले भरिएका ग्रेनेडको प्रयोग गरिरहेको छ ।

२३ फेब्रुअरी २०२२ को राती रूसका राष्ट्रपति भ्लादिमीर पुटिनले यूक्रेनमा सैन्य अपरेशन गर्ने घोषणा गरेका थिए । त्यसको केही घण्टापछि अर्थात २४ फेब्रुअरीको विहानै अचानक यूक्रेनी राजधानी कीभ र त्यसको आसपासका शहरहरुमा हवाई हमला सुरु भएको थियो ।

रूसको यो हमलाले सिंगो विश्वमा हलचल मच्चियो । यता यूक्रेनले पनि जवाफी कारबाही सुरु गर्यो । युद्ध शुरू भएसंगै विश्व नै २ धारमा विभाजितजस्तै बनेको छ । यूक्रेनलाई साथ दिनकालागि नेटो सदस्य देशहरु एक ठाउँमा छन् ।

अमेरिका, ब्रिटेन, पोल्याण्ड, फ्रांससहित कयौं देशहरुले युद्ध बाहिरै रहे पनि युक्रेनलाई सहयोग जारी राखेका छन । अर्कातर्फ चीन, दक्षिण कोरिया, इरान जस्ता देश प्रत्यक्ष वा अप्रत्यक्ष रूपले रूसको साथमा उभिएका छन् ।

यसैबीच अमेरिकामा अति दक्षिणपन्थी एक रिपब्लिकन सांसदले युक्रेनका लागि नयाँ सहायता प्याकेजको समर्थन गरेकामा हाउस अफ रिप्रेजेन्टेटिभ्स (प्रतिनिधि सभा) का रिपब्लिकन सभामुख माइक जोनसनलाई हटाउन आगामी साता प्रस्ताव पेश गर्ने भएका छन् ।

जर्जियाकी रिपब्लिकन कंग्रेस सदस्य तथा पूर्वराष्ट्रपति डोनाल्ड ट्रम्पकी समर्थक मार्जोरी टेलर ग्रिनले जोनसनमाथि विश्वासघात गरेको आरोप लगाइन् । ‘माइक जोनसन वासिङ्टन डिसीको घृणित व्यापार मोडेलमा सदाका लागि युद्धको कोषमा सामेल हुनुभयो’, पत्रकारहरूसँग ग्रिनले भनिन्, ‘आगामी साता म यो प्रस्तावलाई भ्याकेट गर्न गइरहेको छु।’

यता सभामुख जोनसनले विज्ञप्ति जारी गरी ग्रिनको घोषणालाई ‘रिपब्लिकन कन्फरेन्सका लागि गलत, संस्थाका लागि गलत र मुलुकका लागि गलत’ भएको प्रतिक्रिया दिएका छन् । सदनको नियमअनुसार एउटा विधायकले समेत सभामुखलाई हटाउनका लागि मत हाल्न सक्छ ।

डेमोक्रेटहरूले असाधारणरूपमा उनलाई आफ्नो पदमा कायम राख्न मतदान गर्ने भनेकाले जोनसनलाई हटाउने सम्भावना भने छैन । ‘म डेमोक्रेटहरूभन्दा बाहिर गएर रिपब्लिकन सभामुखलाई समर्थन गरेको हेर्न प्रतीक्षा गर्न सक्दिनँ’ उनले भनेका छन् ।

किभका लागि अमेरिकी समर्थन कंग्रेसमा विवादको एक प्रमुख स्रोत बनेको छ । धेरै दक्षिणपन्थी रिपब्लिकनहरूले रुससँगको युद्धमा युक्रेनलाई समर्थन बन्द गर्न खोजिरहेका छन् । महिनौँको बहस र डेमोक्रेटहरू तथा अमेरिकी सहयोगीहरूको दबाबपछि जोनसनले अन्ततः गत साता युक्रेनका लागि नयाँ सहायता प्याकेजलाई समर्थन गरेका थिए।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.