९ जेठ ,एजेन्सी।
युरोपियन च्याम्पियनसिपका लागि पोर्चुगल र इंग्ल्याण्डले प्रारम्भिक टिमको घोषणा गरेका छन् । पोर्चुगलका प्रमुख प्रशिक्षक रोबेर्टो मार्टिनेजले ३९ वर्षीय स्टार स्ट्राइकर क्रिस्टियानो रोनाल्डोलाई समेट्दै २६ सदस्यीय प्रारम्भिक टिमको घोषणा गरेका छन् । टिममा ४१ वर्षीय रक्षक पेपे पनि परेका छन् ।
मिडफिल्डर माथेयस नुनेसले, लेफ्ट ब्याक राफेल गुएरेरो र रेनाटो सान्चेज भने टिमा पर्न असफल भए । पोर्चुगलले युरोपियन च्याम्पियनसिपअघि फिनल्यान्ड, क्रोएसिया र आयरल्यान्डसँग मैत्रीपूर्ण खेल खेल्ने तालिका छ । युरोकपको समूह ‘एफ’ मा रहेको पोर्चुगलले चेक रिपब्लिकसँग खेल्दै युरोपियन च्याम्पियनसिपको सुरुवात गर्नेछ ।
पोर्चुगलको प्रारम्भिक टिममा गोलकिपरः डिओगो कोस्टा, जोसे सा, रुई प्याट्रिसियो रहेका छन् । यस्तै डिफेन्डरः एन्टोनियो सिल्भा, डानिलो परेरा, डिओगो डालोट, गोन्कालो इनासियो, जोआओ क्यान्सेलो, नेल्सन सेमेडो, नुनो मेन्डेस, पेपे र रुबेन डायस छन् । यस्तै मिडफिल्डरः ब्रुनो फर्नान्डेज, जोआओ नेभेस, जोआओ पाल्हिन्हा, ओटाभियो मोन्टेइरो, रुबेन नेभेस, भिटिन्हा रहेका छन् ।
यसैगरी फरवार्डः बर्नाडो सिल्भा, क्रिस्टियानो रोनाल्डो, डियागो जोटा, फ्रान्सिस्को कोन्सिकाओ, गोन्कालो रामोस, जोआओ फेलिक्स, पेड्रो नेटो र राफेल लिओ रहेका छन् । यस्तै ग्यारेथ साउथगेटले पनि युरो २०२४ का लागि आफ्नो ३३ खेलाडीको प्रारम्भिक इंग्ल्याण्ड टोली सार्वजनिक गरेका छन् । तीन वर्ष अघि घरेलु भूमिमा फाइनलमा पराजित इंग्ल्याण्ड यस पटक पनि उपाधि दावेदारको रुपमा रहेको छ ।
पछिल्लो केहि वर्षमा टोलीको महत्वपुर्ण खेलाडीका रुपमा रहेका मार्कस रासफोर्ड, जोर्डन हेन्डरसन र रहिम स्टर्लिङ यसपटक भने टोलीमा परेका छैनन् । तर सन् २०१६ देखि राष्ट्रिय टोलीको जिम्मेवारी सम्हालेका साउथगेटले कर्टिस जोन्स, जेरेल क्वान्साह, एडम व्हार्टन, कोबी माइनु जस्ता युवा खेलाडीहरुलाई प्रतियोगिता अघि केहि मौका दिँदै टोलीमा राख्ने–नराख्ने निर्णय लिएका छन् ।
इंग्ल्याण्डले आजसम्म युरोपियन च्याम्पियनसिप उपाधि जित्न सकेको छैन । इंग्ल्याण्डले १९६६ मा विश्वकप जितेयता कुनै अन्तराष्ट्रिय उपाधि जित्न सकेको छैन । यूरोमा सहभागी सबै टोलीले जुन ७ सम्ममा २६ सदस्यीय टोली घोषणा गर्नुपर्नेछ । यस्तो छ इंग्ल्याण्डको प्रारम्भिक टोली । गोलकिपरः जेम्स ट्राफोर्ड, डीन हेन्डरसन, आरोन राम्सडेल, जोर्डन पिकफोर्ड ।
यस्तै डिफेन्डरः जेराड ब्रान्थवेट, ज्यारेल क्वान्सा, ल्यूक श, मार्क गुएही, एज्री कोन्सा, लुइस डंक, जो गोमेज, काइल वाल्कर, ह्यारी मग्वायर, जोन स्टोन्स, किरन ट्रिपियर । यसैगरी मिडफिल्डरः एडम व्हार्टन, कोबी माइनू, कर्टिस जोन्स, कनर ग्यालाघर, डेक्लान राइस, ट्रेन्ट अलेक्जेंडर–अर्नोल्ड । फरवार्डः इभान टोनी, ओली वाटकिन्स, एन्थोनी गोर्डन, ह्यारी केन, फिल फोडेन, कोल पाल्मर, जुड बेलिङ्घम, बुकायो साका, जेम्स म्याडिसन, जारोड बोवेन, एबेरेची इजे, ज्याक ग्रेलिस रहेका छन् ।
