Nepal Times
Nepal Times
3
Shares

कोपा अमेरिकामा उरुग्वेले पानामालाई पाखा लगायो

कोपा अमेरिकामा उरुग्वेले पानामालाई पाखा लगायो

१० असार ,एजेन्सी ।

कोपा अमेरिकामा उरुग्वेले पनामालाई पराजित गरेको छ। हार्ड रक स्टेडियममा सोमबार बिहान सम्पन्न समूह एको खेलमा उरुग्वे ३–१ गोलअन्तरले विजयी भएको हो। उरुग्वेका म्याक्सिमिलियानो अराउजोले खेलको १६औं मिनेटमै गोल गर्दै सुरुआती अग्रता दिलाएका थिए। पहिलो हाफमा १ गोल भएको खेलमा दुवै तर्फबाट बाँकी ३ गोल दोस्रो हाफमा निस्किएका थिए ।

८५ औँ मिनेटमा नुनेजले गोल गर्दै उरुग्वेको अग्रता दोब्बर बनाए । दोस्रो हाफको अतिरिक्त पहिलो मिनेटमा मेटिस निकोलसले डिइगो निकोलसको पासमा गोल गरेपछि उरुग्वे ३–० को सहज अवस्थामा पुगेको थियो । तर, अतिरिक्त चौथो मिनेटमा पानामाका फेड्री गोनडोलाको पासमा मुरिलोले गोल गर्दै अन्तर ३–१ मा झारे पनि हार टार्न पर्याप्त भएन ।

जितसँगै कोपा अमेरिकाको समूह सीमा उरुग्वेले ३ अङ्क जोड्दै आफूलाई शीर्ष स्थानमा राखेको छ । कोपा अमेरिका फुटबलमा घरेलु टोली अमेरिकाले विजयी सुरुआत गरेको छ । समूह सीको पहिलो खेलमा आज अमेरिकाले बोलिभियालाई २–० गोल अन्तरले पराजित गरेको हो । टेक्सासमा भएको खेलमा अमेरिकालाई जिताउन क्रिष्टियन पुलिसिच र फ्लोरिन बालोगुनले एक–एक गोल गरे ।

खेल सुरु भएको तेस्रो मिनेटमै टिमोथी वेहको पासमा पुलिसिचले गोल गर्दै अमेरिकालाई अग्रता दिलाएका थिए । ४४ औँ मिनेटमा पुलिसिचको पासमा फ्लोरिनले थप १ गोल गरेपछि अमेरिका पहिलो हाफमै २–० को सहज अवस्थामा पुगेको थियो । सोही अग्रता अन्तिम समयसम्म जोगाउँदै अमेरिकाले समूह सीको पहिलो खेलमा जित निकाल्न सफल भयो ।

अमेरिकाले जित निकाल्दै तीन अङ्क जोडेको छ ।अमेरिका दोस्रो स्थानमा रहँदा पानामा र बोलिभिया अङ्कविहीन हुँदै तालिकाको तेस्रो र चौथो स्थानमा छन् । कोपामा अमेरिकाले सहज जित निकाल्दा विश्वकप टी २० क्रिकेटबाट भने अमेरिका सुपर ८ बाटै बाहिरिएको छ । गएराती भएको खेलमा अमेरिकाविरुद्ध सानदार जित दर्ता गर्दै इङ्ल्यान्ड सेमिफाइनलमा प्रवेश गर्ने पहिलो टोली बनेको थियो ।

इङ्ल्यान्डले आइतबार अमेरिकालाई १० विकेटले हराउँदै अन्तिम चारको यात्रा तय गरेको हो । जित पछि सुपर एटको समूह २ मा ३ खेलबाट ४ अंक सँगै इङ्ल्यान्ड अन्तिम चारमा पुगेको छ भने सहआयोजक रहेको अमेरिका अंकविहीन हुँदै बाहिरिएको छ । विश्वकप क्रिकेटमा पहिलो पटक सहभागिता जनाएको अमेरिकाका लागि यो नै अहिलेसम्मको ठूलो उपलब्धि हो ।a

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.