३१ असार, काठमाण्डौ ।
नेपालका नवनियुक्त प्रधानमन्त्री केपी शर्मा ओलीलाई भारतीय प्रधानमन्त्री नरेन्द्र मोदीले बधाई दिएका छन् । सोमबार सामाजिक संजाल एक्समार्फत मोदीले ओलीलाई बधाई दिएका हुन् । नयाँ प्रधानमन्त्रीसँग दुई देशबीचको मित्रतालाई अझ सुदृढ गर्न मिलेर काम गर्न तत्पर रहेको समेत मोदीले उल्लेख गरेका छन् ।
दुई देशबीचको मित्रताको गहिरो बन्धनलाई अझ सुदृढ गर्न र राष्ट्रका जनताको प्रगाति र समृद्धिका लागि सहयोगलाई अझ नजिकबाट विस्तार र सहकार्य गर्न तयार छु’, उनले भनेका छन् । यस्तै नेपालको पछिल्लो राजनीतिक हेरफेरका बारेमा भारतका संचारमाध्यमहरुले समेत प्राथमिकताका साथ खबर छापेका छन् ।
भारतका दुई प्रभावशाली अंग्रेजी दैनिकले सम्पादकीय नै लेखेर चासो प्रकट गरेका छन् । द हिन्दुमा ‘नेपालको राजनीतिमा सिद्धान्तविहीन गठबन्धन’ भन्ने शीर्षकमा सम्पादकीय लेखिएको छ । सम्पादकीयमा पछिल्लो परिस्थितिले नेपालमा गठबन्धनको अस्थिरताको अन्त्य नहुने अवस्था देखिएको उल्लेख छ ।
द हिन्दुले विचार र सिद्धान्तमा आधारितभन्दा पनि शक्तिका निम्ति यो गठबन्धन गरिएको दाबी गरेको छ । यस्ता गतिविधिले नेपाली जनतामा निराशा मात्र ल्याउने त्यसमा चर्चा गरिएको छ । निचोडका रूपमा उसले नेपाल प्रत्यक्ष निर्वाचित राष्ट्रपति प्रणालीमा जाँदा राम्रो हुन सक्ने सुझाव पनि दिएको छ ।
अर्को दैनिक पत्रिका इन्डियन एक्सप्रेसको सम्पादकीयमा नेपालको पछिल्लो गतिविधिलाई नयाँ दिल्लीले होसियारीपूर्वक हेरिरहेको उल्लेख छ । निवर्तमान प्रधानमन्त्री पुष्पकमल दाहाल ‘प्रचण्ड’ले भारतको सद्भावलाई सकारात्मक रूपमा लिएको तर हिजो प्रधानमन्त्री बनेका केपी शर्मा ओली ‘हार्डलाइनर’ भएको र उनले सन् २०१५ को नाकाबन्दीमा प्रो–चाइना पोजिसन देखाएको जनाइएको छ ।
विवादास्पद नक्साका विषयमा ‘साउथ ब्लक’सँग राम्रो सम्बन्ध नभएको त्यसमा उल्लेख छ । चिनियाँ ‘फुटप्रिन्ट’ नेपालमा बढिरहेको भन्दै इन्डियन एक्सप्रेसले भारत सबैभन्दा ठूलो व्यापारिक साझेदार भएको र करिब आठ मिलियन नेपाली भारतमा रहेर काम गरिरहेका स्मरण गरिएको छ ।
नयाँ दिल्लीले हिमाली देशको राजनीतिमा सूक्ष्म ढंगले पोजिसन लिनुपर्नेमा सम्पादकीयमा जोड दिइएको छ । काठमाडौंमा भएको पछिल्लो राजनीतिक हेरफेरलाई बेइजिङले आफ्नो फाइदाका निम्ति प्रयोग गर्न नसकोस् भन्ने निश्चितता खोज्नुपर्ने सुझाव पनि दिइएको छ । नेपालको पछिल्लो राजनीतिक हेरफेरका विषयमा भारतका दुई प्रभावशाली अंग्रेजी दैनिकले सम्पादकीय नै लेखेर चासो प्रकट गरेका छन् ।
यसरी चासो दिनेमा द हिन्दु र इन्डियन एक्सप्रेस छन् । द हिन्दुमा ‘नेपालको राजनीतिमा सिद्धान्तविहीन गठबन्धन’ भन्ने शीर्षकमा सम्पादकीय लेखिएको छ । सम्पादकीयमा पछिल्लो परिस्थितिले नेपालमा गठबन्धनको अस्थिरताको अन्त्य नहुने अवस्था देखिएको उल्लेख छ । द हिन्दुले विचार र सिद्धान्तमा आधारितभन्दा पनि शक्तिका निम्ति यो गठबन्धन गरिएको दाबी गरेको छ ।
यस्ता गतिविधिले नेपाली जनतामा निराशा मात्र ल्याउने त्यसमा चर्चा गरिएको छ । निचोडका रूपमा उसले नेपाल प्रत्यक्ष निर्वाचित राष्ट्रपति प्रणालीमा जाँदा राम्रो हुन सक्ने सुझाव पनि दिएको छ । अर्को दैनिक पत्रिका इन्डियन एक्सप्रेसको सम्पादकीयमा नेपालको पछिल्लो गतिविधिलाई नयाँ दिल्लीले होसियारीपूर्वक हेरिरहेको उल्लेख छ ।
निवर्तमान प्रधानमन्त्री पुष्पकमल दाहाल ‘प्रचण्ड’ले भारतको सद्भावलाई सकारात्मक रूपमा लिएको तर हिजो प्रधानमन्त्री बनेका केपी शर्मा ओली ‘हार्डलाइनर’ भएको र उनले सन् २०१५ को नाकाबन्दीमा प्रो–चाइना पोजिसन देखाएको जनाइएको छ । विवादास्पद नक्साका विषयमा ‘साउथ ब्लक’सँग राम्रो सम्बन्ध नभएको त्यसमा उल्लेख छ ।
चिनियाँ ‘फुटप्रिन्ट’ नेपालमा बढिरहेको भन्दै इन्डियन एक्सप्रेसले भारत सबैभन्दा ठूलो व्यापारिक साझेदार भएको र करिब आठ मिलियन नेपाली भारतमा रहेर काम गरिरहेका स्मरण गरिएको छ । नयाँ दिल्लीले हिमाली देशको राजनीतिमा सूक्ष्म ढंगले पोजिसन लिनुपर्नेमा सम्पादकीयमा जोड दिइएको छ ।
काठमाडौंमा भएको पछिल्लो राजनीतिक हेरफेरलाई बेइजिङले आफ्नो फाइदाका निम्ति प्रयोग गर्न नसकोस् भन्ने निश्चितता खोज्नुपर्ने सुझाव पनि दिइएको छ ।
