८ भदौ, विराटनगर ।
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले आफ्नो पार्टी एकढिका रहिरहने बताएका छन् ।
शनिबार नुवाकोट सम्पर्क समन्वय समितिको आठौं भेलालाई सम्बोधन गर्दै पूर्वप्रधानमन्त्री प्रचण्डले माओवादी नफुट्ने दाबी गरेका हुन् ।
अध्यक्ष प्रचण्डले आगामी निर्वाचनबाट माओवादी पहिलो पार्टी बन्नसक्ने दाबीसम्त गरे । माओवादीलाई पहिलो पार्टी बनाउने आत्मविश्वासका साथ अघि बढ्ने नेता कार्यकर्तालाई उनको आग्रह पनि छ ।
‘कसैले हाम्रो पार्टी फुटाउँन सक्दैन । केही समयपछि फुटेर गएका माओवादीहरू पनि एकताबद्ध हुन्छन् । हाम्रो पार्टी फुटाउने षड्यन्त्र प्रतिक्रियावादीहरूले जनयुद्धको बेलामा पनि गरेकै हो । पछि पनि गरेकै हुन् । केही साथीहरू जानुभयो । पछि केही फर्केर आउनुभएको छ । बाँकी रहेकासँग पनि वार्ता चलिएको छ । टेन्सन नलिनुहोला हामीलाई रोक्न कसैले सक्दैन,’ उनले भने ।
