१६ भदौ, विराटनगर ।
अमेरिकन मेजर लिग सकरमा लियोनल मेसीबिनाको इन्टर मियामीले अर्को एउटा जित निकालेको छ । आइतबार बिहान भएको खेलमा मियामीले सिकागो फायर ४-१ गोलले पराजित गरेको छ ।
यसअघि मेसीबिनाको खेलमा मियामीले सिनसिनाटीलाई २-० गोलले हराएको हो ।
आज बिहान मियामीले सिकागो फायरलाई हराउँदा लुइस सुआरेजले दुई गोल गरे भने रफबर्ट टेलरले एक गोल गरे । अर्को एक गोल भने टोबियास सालक्विस्टले उपहारस्वरूप दिएका थिए ।
टोबियासले २५औं मिनेटमै आत्मघाती गोल गर्दिँदा मियामीलाई सुरुआत गर्न सजिलो भएको थियो । दोस्रो हाफको सुरुआतमै सुआरेजले गोल गर्दै अग्रता दोब्बर बनाए ।६५औं मिनेटमा सुआरेजले व्यक्तिगत दोस्रो तथा टोलीका लागि तेस्रो गोल गरे भने दोस्रो हाफको इन्जुरी समयको तेस्रो मिनेटमा टेलरले टोलीका लागि तेस्रो गोल गरे ।
यससँगै शीर्ष स्थानमा रहेको मियामीले २७ खेलबाट ५९ अंक जोडेको छ । समान खेल खेलेको सिकागो २६ अंकसहित २६औं स्थानमै छ ।
मेसी घुँडाको चोटबाट निको हुन संघर्ष गरिरहेका छन् । त्यसैले उनी मैदानमा फर्किन सकेका छैनन् ।
