१८ भदौ, विराटनगर ।
परराष्ट्रमन्त्री डा. आरजु राणा देउवाले राजदूत सिफारिस समावेशी नभएको स्वीकार गर्दै माफी मागेकी छन् । मंगलबार अन्तर्राष्ट्रिय सम्बन्ध र पर्यटन समितिमा बोल्दै राजदूत सिफारिस समावेशी नभएको भन्दै माफी मागेकी हुन् ।
उनले राजदूत सिफारिस समावेशी नभएको स्वीकार गर्दै माफी मागेकी हुन् । ‘राजदूत नियुक्ति समावेशी भएन । अर्को नियुक्तिमा दलित र मुस्लिमलाई ल्याउने छौं,’ उनले भनिन्, ‘यसपटक आएन, आई-एम सरी ।’
सरकारले दलित र मुस्लिम समुदायलाई राजदूतमा सिफारिस गर्न चाहे पनि त्यसका निम्ति प्रस्तावित उमेदवारका रूपमा कसैले दाबी नगरेको उनले बताइन् ।
‘दलित समुदायको कोही क्यान्डिडेटको कुरा पनि नआएको र नेक्स्ट नियुक्तिहरूमा दलित प्लस मुस्लिम यो दुईवटा क्याटोगरीबाट कोही पनि अहिलेसम्म नआएकोमा पनि सरी,’ उनले भनिन् ।
एउटा राजदूत पद खाली भएको र त्यसमा मधेसी समुदायलाई प्रतिनिधित्व गराउने विषयमा आफूले प्रयास गरिरहेको पनि बताउँदै उनले सरकारले प्रस्ताव गरेका १७ देशका राजदूतले मुलुकको प्रतिनिधित्व राम्रोसँग गर्ने विश्वास व्यक्त गरिन् ।
