२३ भदौ, विराटनगर ।
मोरङ घर भएका नाटक निर्देशक तथा अभिनेता सुनील पोखरेल हलिउडको प्रसिद्ध ‘वाक अफ फेम’ सम्मान पाएका छन् । यससँगै पोखरेल पहिलोपटक ‘वाक अफ फेम’मा समावेश हुने नेपाली कलाकार बनेका छन् ।
यो सम्मान पाउने व्यक्तिको नाम अमेरिकाको लस एन्जलसस्थित उक्त पर्यटकीय क्षेत्रमा राखिन्छ । सुनीलको नाम अमेरिकाको लस एन्जलसस्थित उक्त पर्यटकीय थलोमा बिच्छाइएको छ ।
नेपाल संगीत नाट्य प्रज्ञा प्रतिष्ठानकी कुलपति तथा वरिष्ठ नाट्य अभिनेत्री निशा शर्माले यसबारे जानकारी दिएकी छन् । ‘तिमीमा गर्व छ माया’ पोखरेलकी पत्नी समेत रहेकी शर्माले उल्लेख गरेकी छन् ।
सुनीलले भने उक्त सम्मान पाएको भन्नेबारे आफूलाई विश्वास नै नलागेको सुनाएका छन् । आफू यो स्तरको सम्मान पाउन लायक व्यक्ति नभएको सुनील बताउँछन् ।
फिल्म, संगीत, नाटक, अभिनेता, निर्माता, निर्देशक, सांगीतिक र नाट्य समूह, काल्पनिक पात्रहरुको सम्मानका लागि वाक अफ फेममा नाम राखिने गरेको छ । हलिउड चेम्बर अफ कमर्सको स्वामित्व रहने यो थलो कलाकारका लागि प्रतिष्ठाको विषय बन्ने गर्छ ।
