२४ भदौ, काठमाडौं ।
केही दिनअघि काठमाडौं महानगरका मेयर बालेन्द्र शाह (बालेन)ले सामाजिक सञ्जाल फेसबुकमार्फत् उठाएको माग संघीय सदनमा पनि उठेको छ ।
बालेनले प्रदेश सांसद रेखा शर्मालाई कारबाही कहिले गर्ने भन्दै प्रधानमन्त्री केपी शर्मा ओलीलक्षित हुँदै प्रश्न गरेका थिए । सोही विषयमा सोमबारको प्रतिनिधिसभा बैठकमा नेपाली कांग्रेसकी सांसद रमा कोइराला पौडेलले राखेकी हुन् ।
उनले लुम्बिनी प्रदेश सांसद रेखा शर्मालाई कारबाही मागको गरेकी हुन् । बाल श्रम शोषण गरेको आरोप लागेकी एमालेकी प्रदेश सांसद शर्मालाई कारबाही गनुपर्ने उनको धारणा छ ।
‘निकृष्ट प्रकारले बाल श्रम प्रयोग गरेको देखिन्छ । माननीयज्यू, जो कानुन बनाउनुहुन्छ । कानुनले नै बालश्रमलाई निषेधित गरेको छ । कानुन बनाउने नै बालश्रम प्रयोग गर्ने ? त्यस्ता व्यक्तिलाई सरकारले कारबाही गर्नुपर्छ।’ उनले भनिन् ।
सांसद शर्मामाथि एक नाबालिकालाई विगत आठ वर्षदेखि बाल श्रमिक बनाएर राखेको आरोप छ । उनको काठमाडौँस्थित घरमा १४ वर्षीया बालिकालाई आठ वर्षदेखि बाल श्रमिकका रूपमा राखेको पाइएपछि महानगरपालिकाले उद्धार गरेको थियो ।
