२५ भदौ, विराटनगर ।
चौथौ संस्करणको युरोपियन नेसन्स लिगअन्तर्गत आजबाट दोस्रो चरणका खेलहरू सकिँदै छन् । युरोपका ५४ सदस्य राष्ट्रहरूले प्रतिस्पर्धा गर्ने नेसन्स लिगमा आज नौ खेल भएसँगै दोस्रो चरणको सकिने छन् ।
युरोपियन फुटबल महासंघको आयोजना जारी प्रतियोगिताअन्तर्गत तेस्रो र चौतो चरणका खेलहरू अक्टोबरमा हुनेछन् भने नोभेम्बरमा पाँचौं र छैटौं चरणका खेल हुने छन् । त्यसपछि भने नकआउट चरणमा पुग्ने टोलकीको छिनोफानो हुने छन् ।
आज जर्मनीले नेदरल्यान्ड्ससँग प्रतिस्पर्धा गर्दै छ भने इंग्ल्यान्डले फिनल्यान्डविरुद्ध खेल्दै छ । जर्मनी र नेदरल्यान्ड्सबीचको खेल नेदरल्यान्ड्सको जोहन क्रुफ एरिनामा नेपाली समयानुसार राति १२ः३० बजे खेल्नेछन् ।
पहिलो खेलमा हंगेरीमाथि ५-० गोलको फराकिलो जित निकालेको जर्मनी आज दोस्रो जितको खोजीमा हुने छ । नेदरल्यान्ड्स पनि दोस्रो जर्मनीलाई हराउँदै दोस्रो जित निकाल्ने योजनामै छ । उसले पहिलो खेलमा बोस्निया एन्ड हर्ज गोभिनालाई ५-२ गोलान्तरले हराएको थियो ।
यस्तै, इंग्ल्यान्डले घरेलु मैदान वेम्ब्ली स्टेडियममा फिनल्यान्डलाई निम्तो दिँदै छ । आज इंग्ल्यान्डले आयरल्यान्डलाई २-० गोलले हराएको थियो ।
सन् २०१८–१९ मा पोर्चुगलमा आयोजित पहिलो संस्करणको नेसन्स लिगको उपाधि घरेलु टोली पोर्चुगलले नेदरल्यान्ड्सलाई हराउँदै जितेको थियो । सन् २०२०–२१ को युइएफए नेसन्स लिगको विजेता फ्रान्स हो । इटालीमा आयोजित उक्त संस्करणमा उसले त्यसबेला स्पेनलाई हराउँदै उपाधि उचालेको थियो ।
नेदरल्यान्ड्समा भएको अघिल्लो संस्करणमा क्रोएसियामाथि पेनाल्टीमा जित निकाल्दै स्पेन नेसन्स लिगको उपाधि जितेको थियो ।
आज हुने खेलहरू :
१. लाटभिया भर्सेस फारोइ इज्ल्यान्ड- साँझ ९ः४५ बजे
२. आयरल्यान्ड भर्सेस ग्रिस- राति १२:३० बजे
३. अल्बानिया भर्सेस जर्जिया- राति १२:३० बजे
४. इंग्ल्यान्ड भर्सेस फिनल्यान्ड- राति १२:३० बजे
५. चेकिया भर्सेस युक्रेन- राति १२:३० बजे
६. एन्डोरा भर्सेस माल्टा- राति १२:३० बजे
७. नेदरल्यान्ड्स भर्सेस जर्मनी- राति १२:३० बजे
८. हंगेरी भर्सेस बोस्निया एन्ड हर्जगोभिना- राति १२:३० बजे
९. नर्थ म्याकाडोनिया भर्सेस अर्मेनिया-राति १२:३० बजे
