३० भदौ, एजेन्सी ।
इटालियन सिरी ‘ए’ मा एसी मिलानले भेनेजियामाथि सानदार जित निकालेको छ । शनिबार राति घरेलु मैदानमा भएको खेलमा मिलानले भेनेजियामाथि ४-० गोलान्तरको जित निकालेको हो ।
सान सिरोमा मिलानले ३० मिनेटमै चार गोल गर्दै सनसनीपूर्ण जित निकालेको हो । मिलानले ६६ वर्षपछि खेल सुरु भएको आधा घण्टाभित्र चार गोल गरेको हो । यसअघि सन् १९५८ को अक्टोबर १९ मा एलेजान्द्रियाविरुद्ध ३० मिनेटभित्रै चार गोल गरेको थियो ।
गएराति मिलानलाई जिताउन थियो हर्नान्डेज, युसुफ फोफाना, क्रिस्टियन पुलिसिक र ट्यामी अब्राहमले एक-एक गोल गरे ।
जितसँगै आठौं स्थानको मिलानले चार खेलमा पाँच अंक जोडेको छ ।
