२२ असोज , एजेन्सी ।
इजरायल–हिजबुल्लाह युद्धकाबीच अहिले सामाजिक संजालमा एउटा त्रासदीपूर्ण तस्वीर भायरल भइरहेको छ, जसलाई देखेर इजरायलको पनि होश उडेको टिप्पणी गरिएको छ । सो तस्वीरमा एक ब्यक्ति हातमा कालो ब्याग लिएर गुफाभित्र घुम्दै गरेको देखिन्छन् ।
ती व्यक्ति अरु कोही नभएर हमासका चीफ याह्या सिनवार रहेको दाबी गरिएको छ । जो इजरायली हमलाका डरका कारण बंकरमा लुकेका हुन् । किनभने इजरायलले योबीचमा हमास र हिज्बुल्लाहका ठूला ठूला कयौं नेताहरुको ज्यान लिइसकेको छ ।
यसबीच बंकरमा देखिएका सिनवारका साथमा इजरायलका २० भन्दा धेरै बंधक पनि रहेका छन् । तर इजरायलको डर उनीसंग बन्धक रहेकोमा भन्दा पनि सिनवारका हातमा देखिएको कालो ब्यागसंग रहेको छ ।
किनभने सो ब्याग डाइनामाइटले भरिएको आशंका गरिएको छ ।यदि इजरायलले सिनवारमाथि हमला गर्यो भने उनको साथमा रहेको सो डायनामाइट पनि विस्फोट हुनेछ, जसका कारण त्यहाँ रहेका सबैको ज्यान जानेछ ।
विज्ञहरुले भनेका छन्, सिनवारले डायनामाइटलाई ढालका रूपमा प्रयोग गरिरहेका छन् । उनलाई थाहा छ कि जबसम्म उनको साथमा त्यो ब्याग छ त्यतिबेलासम्म इजरायलले त्यहाँ एयर स्ट्राइक गर्दैन ।
सामाजिक संजालमा भाइरल भइरहेको सो क्लिपमा उनी बंधकहरुका बीचमा छन् ।यो भिडियोलाई इजरायली आर्मीले नै शेयर गरेको हो । इजरायली सेनाका अनुसार सिनवारकी पत्नी र तीन सन्तान पनि उसको साथमा सोही बंंकरमा रहेका छन् ।
इजरायलको सिक्योरटी एजेंसीका एक अधिकारी कोबी माइकल भन्छन्, सो ब्यागमा लगभग २५ किलो डायनामाइट छ र उनको साथमा कमसेकम २० बंधक छन् । कयौं पटक हामीलाई सिनवारलाई मार्ने मौका मिलेको थियो तर यदि हामीले त्यसो गरेको भए उसले आफू आसपासका सबै बंधकहरुलाई पनि मारिदिने थियो ।
कोबी माइकल ती अधिकारी हुन् जसले कुनै समय सिनवारलाई गिरफ्तार गरेका थिए र सोधपुछ पनि गरेका थिए । कोबीलाई सिनवारको के गर्न खोजेका हुन् भन्ने पनि राम्रोसंग थाहा छ। मिररको रिपोर्टका अनुसार, इजरायलको सुरक्षा एजेंसीको भनाइ छ कि ७ अक्टूबर २०२३ मा अपहरण गरिएका ९७ बंधक एक वर्षदेखि गाजामा नै रहेका छन् ।
यद्यपि, यो पत्ता लाग्न सकेको छैन कि तिनमा कतिको मृत्यु भइसकेको छ । इजरायलको सेनाले हमासलाई पुरै अन्त्य गर्नका लागि ४० हजारभन्दा धेरै टारगेटलाई निशाना बनाइसकेको छ । यसमा अहिलेसम्म ४२ हजारभन्दा धेरैको ज्यान गइसकेको छ ।
यसबीच ४७ सयभन्दा धेरै सुरुङहरुको पनि इजरायली सेनाले पत्ता लगाइसकेको छ । र एक हजारभन्दा धेरै रकेट लचिंग प्याड पनि नष्ट गरिसकेको छ । सिनवारले कतारी मध्यस्थकर्तासँग गोप्य सम्पर्क राखेको खुलेको छ ।
साउदी नेटवर्क अल अरेबियाले सोमबार यो जानकारी दिएको हो। केही दिन अघि मात्र एक वरिष्ठ कतारी कूटनीतिज्ञले जेरुसेलम पोस्टलाई सिनवारसँग कुनै सीधा सम्पर्क नभएको र सबै वार्ता प्रयासहरू हमासका वरिष्ठ राजनीतिक सदस्य खलील अल–हय्याहमार्फत भएको बताएका थिए ।
कूटनीतिज्ञले जेरुसेलम पोस्टलाई भनेका छन्, सबै मध्यस्थता प्रयासहरू दोहामा हमासको राजनीतिक कार्यालयका प्रतिनिधिहरू मार्फत मात्र गरिन्छ। न्युयोर्क टाइम्सले पनि गत हप्ताको अन्त्यमा आफ्नो रिपोर्टमा अक्टोबर ७ मा इजरायली हमलाका मास्टरमाइन्ड सिनवार जिउँदै रहेको अमेरिकी अधिकारीहरूको विश्वास रहेको बताएको थियो।
आक्रमण भएको एक वर्ष बितिसक्दा पनि उनले महत्वपूर्ण निर्णय लिइरहेका छन् । अमेरिकी अधिकारीहरूले बन्धक सम्झौतामा वार्ता गर्ने उनको कुनै मनसाय नभएको अनुमान गरेका छन्। न्युयोर्क टाइम्सले भनेको छ कि सिनवार इजरायल र इरान बीचको प्रत्यक्ष टकरावबाट खुसी छन् ।
र आशा छ कि इजरायलले छिट्टै ब्यालिस्टिक मिसाइल आक्रमणको साथ जवाफ दिनेछ । उनी आशा गर्छन् कि छिट्टै इजरायल ठूलो युद्धमा संलग्न हुनेछ, जसबाट उसलाई फाइदा हुनेछ। यद्यपि, सिनवार हिजबुल्लाह र इरानबाट पर्याप्त समर्थनको अभावमा निराश रहेको उल्लेख गरिएको छ ।
