२४ असोज , एजेन्सी ।
अल–कायदाका संस्थापक ओसामाबिन लादेनका छोरा ओमरबिन लादेन देश निकालामा परेका छन् । उनलाई फ्रान्सले देशनिकाला गरेको हो । साथै फ्रान्सले अब उनलाई कहिलेपनि फ्रान्स प्रवेशमा अनुमति नदिने जनाएको छ । फ्रान्सका गृहमन्त्री ब्रुनो रितेयूले केही दिन अघि यो आदेशमा हस्ताक्षर गरेका थिए।
गृहमन्त्री रितेयूले अब ओमर बिन लादेनका लागि फ्रान्स प्रवेश संधैका लागि अन्त गरिएको छ । रितेयूका अनुसार ओमरले सामाजिक सञ्जालमा आतंकबादलाई बढवा दिने पोस्ट गरेका कारण उनलाई देश निकाला गरिएको बताइएको छ ।
४३ वर्षीय ओमर फ्रान्समा विगत ७ वर्षयता बस्दै बएका थिए । उनि २०१६ मा फ्रान्स गएका थिए । उनले ब्रिटिश नागरिक जैना मोहम्मद अल–सबा सँग बिहे गरेका थिए । जसका कारण उनलाई फ्रान्समा बस्नका लागि अनुमति मिलेको थियो ।
उनी फ्रान्समा पेन्टिङ गरेर आफ्नो जीवन यापन गर्दै आएका थिए । उनले गत वर्ष आफ्ना बुबा आतंकबादीका नेता भनेर चिनिने ओसामा बिन लादेको जन्मदिनमा एक पोस्ट गरेका थिए । जहाँ उनले पिताको तारिफ गरेपछि उनी आलोचित बने ।
यसलाई फ्रान्सले आतंकबादलाई समर्थन गरेको रुपमा लिइयो । त्यसपछि उनलाई फ्रान्समा बस्नका लागि दुई वर्षको परमिट रद्द गरिएको थियो । त्यसपछि उनी श्रीमतिका साथ कतार गएका थिए । ओमरबिन लादेन ओसामा बिन लादेनका चौंथो सन्तान हुन् ।
उनी १९८१ मा साउदीमा जन्मिएका थिए । उनी आफ्ना बुवासँग १९९१ देखी १९९६ सम्म सुडानमा रहेका थिए । यस दौरान उनलाई अलकायदाको उदाउँदो नेताका रुपमा हेरिएको थियो । २००१ मा पिताको साथ छोडेका उनले अलकायदाको ट्रेनिङ क्याम्पमा अभ्यास गरेको बताएका छन् ।
उनले हतियार चलाउन सोही क्याम्पमा सिकेको जनाइएको छ । २०११ मा पाकिस्तानमा ओसामाबिन लादेनको मृत्यु पछि उनको शब समुन्द्रमा फ्याँकीएको दाबी अमेरिकाले गरेपिन उमरले उनको पिताको शब समुन्द्रमा नफालिएको दाबि गरेका थिए ।
ओसामा बिन लादेनलाई २०११ मा अमेरिकी सेनाले पाकिस्तानको ऐब्टाबादमा मारेको थियो । ९।११ को घटनापछि अफगानिस्तानमा शुरू भएको अमेरिकाको अपरेशनले अल–कायदाको ढाड भाँचेको थियो ।
र ओसामा बिन लादेनको मृत्युपछि यो संगठनको अन्त्य भएको मानिएको थियो । तर हालै आएका केही खबरहरुले संकेत गरेका छन् कि ओसामा बिन लादेनका छोराहरु पनि आफ्नो पिताकै बाटोमा हिड्न थालेका छन् ।
उनीहरुले अल–कायदालाई पुनः खडा गर्ने प्रयास गरिरहेका छन् । यसअघि सेप्टेम्बरमा ओसामा बिन लादेनका अर्का छोरा हमजा बिन लादेन पनि जिवितै रहेको खबर सार्वजनिक भएको थियो। हमजा आफ्ना भाइ अब्दुल्ला बिन लादेनका साथ अफगानिस्तानमा लुकेको दाबी गरिएको छ र अलकायदालाई विस्तार गर्नका लागि ब्लू प्रिंट तयार गरिरहेको पनि बताइन्छ ।
गत महिना सार्वजनिक भएको एक रिपोर्टले भनेको छ कि अफगानिस्तानमा अमेरिकी सेना फिर्ता भएपछि अल कायद फेरि आफ्नो कदम जमाउन खोजिरहेको छ । सो रिपोर्टमा ओसामा बिन लादेनका छोरा हमजा पनि यही रहेका र उनको सुरक्षाका लागि लगभग ४५० स्नाइपर्स तैनाथ रहेका छन् । हमजालाई “क्राउन प्रिंस अफ टेरर” पनि भनिन्छ ।
