६ कार्तिक , विराटनगर ।
एक वर्षभन्दा बढी समयदेखि इजरायल र हमासबीच युद्ध जारी छ र यो युद्धको ज्वालाले लेबनान र इरानलाई समेत आफ्नो चपेटामा पारेको छ । हमास प्रमुख र हिजबुल्ला प्रमुख मारिसक्दा र इजरायली प्रधानमन्त्रीको नीजि घरमा आक्रमण हुँदासम्म पनि युद्ध अन्त्य हुने छाँटकाँटसम्म देखिएको छैन ।
यसबीच इजरायलले धेरैजसो र कहिलेकाँही उविरुद्ध लडिरहेकाहरुले पनि लगातार एकपछि अर्को आश्चार्यजनक दाबीहरु गर्दै आएका छन् । पछिल्लो पटक फेरि इजरायली रक्षा बलले हिजबुल्लाको वित्तीय केन्द्रको गोप्य जानकारी खुलासा गरेको छ ।
आइडीएफका अनुसार जुन बंकरमा नसरल्ला मारिएका थिए, त्यहाँ खजानै खजाना फेला परेको दाबी गरेको छ । आइतबार राति इजरायली वायु सेनाले गरेको हवाई हमलापछि यो खुलासा भएको हो । आईडीएफले यो हमलाको उद्येश्य नै इरान समर्थित संगठन हिजबुल्लालाई आर्थिकस्रोत विहिन बनाउनु रहेको जनाएको छ ।
यसका लागि इजरायलले लेबनानमा रहेका हिज्बुल्लाहलाई समर्थन गर्ने बैंक र अन्य संस्थाहरुलाई पनि निशाना बनाएको छ । आईडीएफका अनुसार, सो सिक्रेट बंकर बेरूतको बिचमा रहेको अल साहेल अस्पतालको मुनि छ । जुन हसन नसरल्लाको बंकर थियो, त्यहाँ अर्बौको सुन र नगद बरामद भएको छ ।
आईडीएफका प्रवक्ता रियर एडमिरल डेनियल हगारीले भने, ’आज म एक स्थानको बारेमा गोप्य जानकारी सार्वजनिक गर्दैछु । दक्षिण बेरूतको अल साहेल अस्पताल तल रहेको गोप्य बंकरमा ५० करोड डलरको नगद र सुन राखिएको छ, अर्थात झण्ड ६७ अर्ब रुपैयाँको खजाना यहाँ फेला परेको छ ।
उनी अगाडी भन्छन्, यो पैसाको प्रयोग लेबनान राज्यको पुनर्निर्माणका लागि हुनसक्छ’ । हगारीले इजरायली सेनाले हिजबुल्लाका वित्तीय ठेगानाहरुमा सटीक हमला गर्दा अर्को पनि कडा सुरक्षा भएको सिक्रेट स्थान भेटिएको जनाएका छन् । त्यहाँ पनि भूमिगत तिजोरी भेटिएको छ ।
यो पैसा हिज्बुल्लाहले इजरायलमाथि हमला गर्नमा प्रयोग गर्ने गरेको पनि उनले दाबी गरे । तर हगारीले हमलामा सो खजाना केकति नष्ट भयो वा भएन भन्ने चाँही खुलाएका छैनन् । हगारीले एक नक्शा देखाएका छन्, जसमा दक्षिणी बेरूत उपनगर दहियेहमा अल–साहेल अस्पतालमुनि बंकर देखिएको छ ।
जो हिजबुल्ला चीफ नसरल्लाको विशेष ठेगाना थियो । यसबीच इजरायलले लेबनानी अधिकारीहरु र अन्तर्राष्ट्रिय संगठनहरुलाई पनि हिज्बुल्लाहलाई आर्थिक सहयोग नगर्न आह्वान गरेको छ । साथै चेतावनी पनि दिएको छ कि इजरायली वायु सेनाले यो क्षेत्रमा निगरानी पनि गरिरहेको छ ।
यसैबीच उसले अर्को कुरा पनि स्पष्ट पार्दै भनेको छ, कि इजारयलले आतंकबादी संगठन हिजबुल्लाका साथमा युद्ध गरिरहेको छ, लेबनानीहरुका साथमा होइन । हगारीले भने, आईडीएफले अस्पतालमा हमला गर्दैन । तर इजरायली हमलाका क्रममा केही लेबनानी सैनिकहरु पनि मारिएका छन् ।
दक्षिणी लेबनानमा ३ लेबनानी सैनिकहरु मारिएका छन् । तर यसमा इजरायलले अफसोस जनाएको छ । उसले यो झुक्किएर भएको घटना पनि भनेको छ । उसले भनेको छ, इजरायल लेबनानमा हिजबुल्लाका लडाकुहरुसंग लडिरहेको छ, देशको सेनासंग होइन ।
आफूले हिज्बुल्लाहका वाहन भनेर आक्रमण गर्दा लेबनानी सेना परेकोमा उसले खेद जनाएको छ । आईडीएफले भन्यो, हाम्रा सैनिकहरुले हिजबुल्लाको ट्रकलाई निशाना बनाएको थियो । जसमा एक लन्चर र मिसाइलहरु थिए । हाम्रा सैनिकहरुलाई थाहै भएन कि दोस्रो ट्रक लेबनानी सेनाको थियो ।
इजरायली सेनाले अगाडी भन्यो, उ लेबनानी सेनाविरुद्ध काम गरिरहेको छैन, र यी अवांछित परिस्थितिहरुका लागि खेद प्रकट गर्दछ । लेबनानमा हिज्बुल्लाहका ठेगानाहरुमा छानी छानी हमला जारी राख्दा यता इरानसंग पनि जुनसुकै बेला इजरायलको युद्ध सुरु हुने अवस्था छ ।
कुनै पनि बेला इरानी आकाशमा बम वर्षा हुनसक्छ । तर इरानले यो पटक पुरै तयारीमा रहेको दाबी गरेको छ । भलै इजरायलको एंटी मिसाइल सिस्टम विश्वभरमा प्रसिद्ध छ तर इरानसंग पनि यस्ता एंटी डिफेन्स मिसाइल सिस्टम छन्, जो कुनै पनि हमलालाई निस्तेज पार्न सक्छ ।
इजरायलको एयर डिफेंस सिस्टमलाई विश्वमै शक्तिशाली मानिन्छ । इजरायलको आयरन डोम विश्वमा सबैभन्दा गतिलो एयर डिफेंस सिस्टम हो । तर इरान र हिजबुल्लाहको हमलामा भने उसको केही कमजोरी देखिएको छ । यी हमलाले इजरायलको पोल खुलेको छ ।
किनभने एकाध पटक यस्तो पनि देखियो कि इरान र हिजबुल्लाहका मिसाइलहरुलाई रोक्न आयरन डोम पनि चुक्यो । आयरन डोमका अलावा, इजरायलसंग एयर डिफेंस सिस्टम डेभिड स्लिंग पनि छ । जसको चर्चा निकै हुने गरेको छ । यता इरानसंग पनि यस्ता एयर डिफेंस सिस्टम छन्, जसले इजरायली हमलालाई रोक्न सक्छ ।
बेंजामिन नेतन्याहूको रिभेन्ज प्लानमा इरानको ‘अरमान’ ले पानी खन्याइ दिनसक्छ । अरमान इरानको एयर डिफेंस मिसाइल सिस्टम हो । इरानको ब्यालेस्टिक मिसाइल सिस्टम अपरेशनका लागि पुरै तयारी अवस्थामा छ । इरानको अरमान मिसाइल सिस्टमले १८० किलोमीटरको रेंजमा मिसाइल र ड्रोनलाई पत्ता लगाउन सक्छ ।
साथै दुश्मनका तर्फबाट आउने मिसाइलहरुलाई ध्वस्त गर्न सक्छ । यो लन्ग रेंज एयर डिफेंस सिस्टम हो । यसको खुलास स्याटालाइट तस्वीरहरुबाट भएको हो । यदी इजरायलले हमला गर्यो भने इरानको अरमानले नेतन्याहूको योजनामा पानी खन्याइ दिनसक्छ ।
इरानले हालै यसलाई डेभलप गरेको हो । अरमान मिसाइल सिस्टमलाई लिएर भन्ने गरिएको छ कि यसले १२० देखि १८० किलोमीटरको दूरीमा एक साथ ६ टारगेट्सलाई सामना गर्नसक्छ । इरानसंग इजरायली हमला रोक्न सक्ने सिस्टमहरुमा अरमानसंगै बावर–३७३ रहेको छ जसको रेन्ज ३००किमी रहेको छ ।
यस्तै खोरदाद–१५ छ जसको रेन्ज १२० किमी छ । १२० किमी रेन्जको तलाश ४ रहेको छ । अर्को छ, मरसद १६ जसको रेन्ज ४० किमी छ यस्तै २० किमी रेन्ज भएको जÞूबिन रहेको छ । यता इजरायलसंग पनि सबैभन्दा ठूलो सुरक्षा कवच छ आयरन डोम ।
इजराइलले ‘आयरन डोम’का माध्यमले नै इरानका मिसाइलहरु र ड्रोनहरुलाई हावामै नष्ट गरेको थियो । यो एक एयर डिफेंस शील्ड हो र यसको पूरा नाम ‘आयरन डोम एंटी मिसाइल डिफेंस सिस्टम’ हो । आयरन डोमलाई दुश्मनहरुविरुद्ध इजरायलको सबैभन्दा भरपर्दो साथी पनि भन्ने गरिएको छ ।
आयरन डोम एंटी मिसाइल डिफेंस सिस्टमको सक्सेज रेट ९० प्रतिशत रहेको छ । यसको मतलब हो कि दुश्मन देशबाट इजराइलतर्फ आइरहेका ९० प्रतिशत रकेट, मिसाइल, ड्रोन जस्ता हतियारहरुलाई पृथ्वीमा आइपुग्नु अघि नै हावामा नष्ट गरिदिने छ ।
इजरायलसंग १५० किमी रेन्जको आयरन डोमका साथै ३०० किमी रेन्ज भएको डेभिड्स स्लिंग, अर्कोछ ऐरो सिस्टम जसको रेन्ज छ २४०० किमी । यस्ता शक्तिशाली हतियारहरु प्रर्दशनमात्रै होइन मार हान्ने गरिको युद्ध चलिरहँदा यसबीच, इजरायलका सहयोगी देशहरु, गाजाका मानिसहरु र अन्यले पनि आशा गरेका छन् कि हमास प्रमुख याह्या सिनवारको मृत्युपछि युद्ध समाप्तीको मार्ग प्रशस्त हुनेछ ।
तर इजरायली पीएम बेंजामिन नेतन्याहू र हमास दुवैले आफ्नो लक्ष्य प्राप्त नहुन्जेल लडाइँ जारी राख्ने संकल्प दोहोर्याएका छन् । नेतन्याहूले हमासद्वारा बंधक बनाइएका दर्जनौ मानिसहरुलाई मुक्त गराउने संकल्प लिएका छन् । यता हमासले भनेको छ, उ स्थायी युद्धविराम, इजरायली सैनिकहरुको पूर्ण फिर्ता र प्यालेस्टाइनी कैदीहरुको रिहाईको बदलामा मात्रै बन्धकहरुलाई रिहा गर्नेछ ।
हमास र इजरायलबीचको यो युद्धको अन्त्य नभएसम्म अन्यतिरको युद्ध पनि अन्त्य हुने लक्षण अहिलेसम्म देखिएको छैन । बरु थप भड्किने सम्भावना बढेर गएको बारे आफ्ना टिप्पणी अवस्य ब्यक्त गर्नुहोला ।
ताजा खबरका लागि नेपाल टाइम्स्को अनलाइन पोर्टल डब्लु डब्लु डब्लु डट नेपाल टाइम्स् डट नेटमा गएर हेर्न सक्नु हुनेछ । यसैगरि हाम्रो युट्युव च्यानल र फेसबुक पेज पनि अवस्य भिजिट गर्नुहोला । तपाईले गर्नु भएको लाइक, कमेन्ट, सेयर र सब्क्राइबका लागि धेरै धन्यवाद । नेपाल टाइम्स् हेर्दै गर्नुहोला नमस्कार ।
