२३ मंसिर, विराटनगर।
विराटनगरस्थित आदर्श विद्यालयका पूर्व विद्यार्थीहरूले विद्यार्थी संघ गठन गरेका छन् । पूर्व विद्यार्थीहरुको शनिबार सम्पन्न भेलाले १३ सदस्यीय आदर्श विद्यालय पूर्व विद्यार्थी संघ गठन गरेको हो ।
वि.स. २०५४ का एसएलसी ब्याजी विद्यार्थीहरुको अग्रसरतामा गठन भएको यो संघमा त्यसअघि र पछिल्ला शैक्षिक शत्रका पूर्व विद्यार्थीहरुको पनि सहभागीता रहेको छ । शनिबार गठन भएको संघको संस्थापक अध्यक्षमा अञ्जु पराजुली चयन भएकी छन् ।
यस्तै उपाध्यक्षमा राजेशप्रसाद रौनियार, मो. उमर फारुख, सचिव प्रमोद मण्डल, सहसचिवमा शंकर प्रधान र कोषाध्यक्षमा मनिष ठाकुर चयन भएका छन् ।
यसैगरी सदस्यहरूमा अञ्जना नेपाल, गीता भट्टराई, ओमप्रसाद भेट्वाल, मोइनुदिन अन्सारी, सुनिल श्रेष्ठ, शत्रुघनप्रसाद राजवंशी र पवनकुमार जोशी चयन भएका छन् ।
कार्यक्रममा संस्थाका सबै पदाधिकारीहरुले शपथ ग्रहणसमेत गरेका छन् ।
विद्यार्थीहरुको संस्था गठन र शपथ ग्रहण कार्यक्रममा प्रमुख अथिति आदर्श विद्यालयका प्राचार्य सन्तोष पोखरेल, विशष्ट अथितिहरु मदन सापकोटा (पूर्व शिक्षक) जगदिश गौतम(पूर्व शिक्षक), आदर्श विद्यालय पूर्व विद्यार्थी मिलन केन्द्रका अध्यक्ष नारायणप्रसाद श्रेष्ठ, सल्लाहकार भीमेन्द्रबहादुर कार्की, सदस्य प्राध्यापक कृष्ण पोखरेल, प्रेमकुमार आर्चाय, गोपालप्रसाद पाण्डे लगायतको सहभागिता रहेको थियो ।
पूर्व विद्यार्थीहरुको संस्थाले आदर्श विद्यालयसहित विविध सामाजिक क्षेत्रमा सेवा गर्ने उद्येश्य राखेको संस्थाकी अध्यक्ष पराजुलीले जानकारी दिएकी छन् ।
