१५ पुष , एजेन्सी ।
दक्षिण अफ्रिकाले पाकिस्तानलाई सेंचुरियन टेस्टमा २ विकेटले हराएको छ। यसका साथै अफ्रिकाले वल्र्ड टेस्ट च्याम्पियनसिपको फाइनलमा स्थान सुरक्षितसमेत गरेको छ । १४८ रन को टारगेट पछ्याएको घरेलु टोलीले ९९ रनमा ८ विकेट गुमाइसकेको थियो।
तर, कगिसो रबाडा र मार्को यानसनले ५० को साझेदारी गरेर टोलीलाई रोमाञ्चक जित दिलाए। टेस्टको चौथो दिन आइतबार साउथ अफ्रिकाले २७÷३ को स्कोरबाट खेल्न शुरू गरेको थियो । ऐडन मार्करम ३७ रन बनाएर आउट भए । उनीपछि बावुमा टिके । उनले ४० रन बनाए ।
तर, टोलीले ९६ रनमा ५ विकेट गुमाउन पुग्यो । यहीँ उनीहरूलाई ५२ रनको आवश्यक थियो । ४ विकेट लिइसकेका मोहम्मद अब्बासले डेविड बेडिंघम र कोर्बिन बाँसलाई पभेलियन फर्काए । यसैबीच नसीम शाहले काइल वेरियनलाई बोल्ड गरेर हेर्दा हेर्दै ९९ रनमा ८ विकेट लिइसकेका थिए।
अब, पाकिस्तानले जित्नमात्र २ विकेट लिए पुग्थ्यो । तर, रबाडा र यानसनले पाकिस्तानको मनसायलाई सफल पार्न दिएनन्। दुवैले पहिला सम्हालिएर ब्याटिङ गरे । उनीहरूले खराब बललाई मात्रै खेल्न थाले। रबाडाले ३० र यानसनले १६ रन बनाएर टोलीलाई जित दिलाएका थिए ।
पाकिस्तानको लागि मोहम्मद अब्बासले ६ विकेट लिए। १–१ विकेट नसीम और खुर्रम शहजादलाई प्राप्त भयो । आमेर जमालले कुनै विकेट लिन सकेनन्। तर, उनले एक ओभरमा मात्र ११ रन खर्चेका थिए। पाकिस्तानलाई पहिलो टेस्टमा हराएर वल्र्ड टेस्ट च्याम्पियनसिपको हालिय चक्रमा साउथ अफ्रिकाले सातौं जित दर्ता गरेको हो।
टोली ८८ अंकका साथ पहिलो स्थानमा रहेको छ। ६६.६७ प्रतिशत अंक भएकोले दोस्रो टेस्ट हारे पनि यो घटेर ६१.११ प्रतिशत अंक हुनेछ। यस्तोमा साउथ अफ्रिकाको शीर्ष २ स्थान सुरक्षित नै हुने भएकोले वल्र्ड टेस्ट च्याम्पियनसिप फाइनल खेल्ने भएको हो।
साउथ अफ्रिकासँग खेल्न भारत, अस्ट्रेलिया र श्रीलंकाबिच होड चलिरहेको छ। यसमा अस्ट्रेलियामात्रै साउथ अफ्रिकाभन्दा माथि जान सक्नेछ।यता चौथो टेस्टमा भारत अष्ट्रेलियासँग १८४ रनले पराजित भएको छ। ३४० रनको लक्ष्य पछ्याउँदै भारत पाँचौँ दिन १५५ रनमा अलआउट भएको थियो।
यस खेलमा टिम इन्डियाका टप अर्डर ब्याट्सम्यानको प्रदर्शन निकै खराब रहेको थियो । विराट कोहली र रोहित शर्मा जस्ता उत्कृष्ट ब्याट्सम्यान पूरै फल्प देखिएभने ऋषभ पन्तजस्ता खेलाडीहरूपनि जम्न सकेनन् । भारत अहिले विश्व टेस्ट च्याम्पियनसिपको तालिकामा तेस्रो स्थानमा छ।
अस्ट्रेलिया दोस्रो स्थानमा छ। यद्यपि चौथो टेस्टमा यो हारपछि भारतको अंक प्रतिशत ५५.८८ बाट घटेर ५२.७८ पुगेको छ भने अस्ट्रेलियाको अंक ५८.८९ बाट बढेर ६१.४६ पुगेको छ। विश्व टेस्ट च्याम्पियनसिपको फाइनलमा अहिले एउटा मात्र स्थान खाली छ।
अहिले विश्व टेस्ट च्याम्पियनसिपको फाइनलमा एउटा मात्र स्थान खाली छ । दक्षिण अफ्रिकी टोली यसअघि नै फाइनलमा प्रवेश गरिसकेको छ । पाकिस्तानविरुद्धको दुई खेलको टेस्ट सिरिजको पहिलो खेलमा टोलीले आइतबार जित निकालेको हो ।
यो जितले दक्षिण अफ्रिकालाई पहिलो पटक फाइनलमा प्रवेश गराएको छ । अस्ट्रेलियाले यस चक्रमा बाँकी रहेका तिनवटा टेस्टमध्ये कुनै एकमा जित हासिल गरेर फाइनलमा पुग्न सक्छ। अस्ट्रेलियाले अर्को वर्ष थप दुई टेस्टका लागि श्रीलंका भ्रमण गर्नेछ।
वल्र्ड टेस्ट च्याम्पियनसिप डब्लुटीसी अन्तर्राष्ट्रिय क्रिकेट काउन्सिलद्वारा आयोजित प्रतियोगिता हो । यो च्याम्पियनसिपमा शीर्ष टेस्ट टोलीहरूले प्रतिस्पर्धा गर्छन्। पहिलो संस्करण सन् २०१९–२०२१ मा आयोजना भएको थियो। यसमा प्रत्येक टिमलाई अंकका आधारमा ¥याङ्किङ दिइन्छ, र शीर्ष दुई टोलीहरू फाइनल खेल्छन्।
वल्र्ड टेस्ट च्याम्पियनसिपमा १०–१२ पूर्ण सदस्य राष्ट्र प्रतिस्पर्धा गर्छन्। हाल, १२ पूर्ण सदस्य राष्ट्रमध्ये ९ टिमले भाग लिएका छन् । जसमा भारत, अस्ट्रेलिया, पाकिस्तान ,इंग्ल्यान्ड, साउथ अफ्रिका ,न्यूजिल्यान्ड ,श्रीलंका, वेस्ट इन्डिज र बंगलादेश छन् ।
यो एक द्विपक्षीय टेस्ट श्रृंखलाको संरचनामा आधारित छ। प्रत्येक टिमले २ वर्षको चक्रमा विभिन्न टिमहरूसँग टेस्ट श्रृंखला खेल्छ। प्रत्येक श्रृंखलामा उपलब्ध १२० अंक हुन्छ। जित, बराबरी, वा हारका आधारमा टिमहरूले अंक पाउँछन्।
जितमा १२ अंक, बराबरीमा ४ अंक र ड्र हुँदा ६ अंक पाउछन् । प्रत्येक चक्रको अन्त्यमा, अंक तालिकामा शीर्ष दुई टोलीबीच फाइनल खेलाइन्छ। यसको दोस्रो संस्करण (२०२१–२०२३)मा भारत र अस्ट्रेलिया बीच फाइनल भएको थियो भने जसमा अस्ट्रेलियाले जित हासिल ग¥यो। तेस्रो संस्करण (२०२३–२०२५) भने अहिले जारी रहेको छ।
