२७ पुष , एजेन्सी ।
अमेरिकाका नवनिर्वाचित राष्ट्रपति डोनाल्ड ट्रम्पलाई राष्ट्रपतिको सपथका लागि अदालतले क्लिन चिट दिएको छ । ट्रम्पविरुद्ध एकजना पोर्न स्टारलाई चुप रहन पैसा दिएको (हस मनी) मुद्दामा अदालतले कुनै पनि सजाय सुनाएन।
पूर्व पोर्नस्टारसँगलाई आफूहरूबीचको सम्बन्धबारे नबोल्न भन्दै ट्रम्पले पैसा दिएको र त्यसको प्रमाण मेटाउने कोसिस गरेको मुद्दाका सबै ३४ आरोपितलाई सफाइ दिएको हो । सन् २०१६ को राष्ट्रपतीय निर्वाचन अभियानका क्रममा पोर्न स्टार स्टर्मी ड्यानियललाई आफूसँगको यौन सम्बन्ध गोप्य राख्न भनी पैसा दिएको घटनामा ट्रम्पलाई गत वर्ष मे (२०२४) मा अदालतले दोषी ठहर गरेको थियो।
पोर्न स्टार स्टर्मी ड्यानियल, जसलाई ट्रम्पले आफूसँगको यौन सम्बन्ध नभन्न पैसा दिएका थिए। ट्रम्पका वकिलले सीधै ड्यानियललाई पैसा दिएका थिए। यो लुकाउन ट्रम्पले आफ्नो व्यावसायिक अभिलेखमा अनियमितता गरेका थिए ।
न्यूयोर्कमा हस मनी अवैध छैन। तर स्टर्मी ड्यानियलका लागि भनेर आफ्नो वकिललाई दिएको पैसा उनको रेकर्डमा व्यापार खर्चको रूपमा घोषित गरिएको ट्रम्पलाई आरोप लगाइएको थियो । ट्रम्पले आफूसँग यौनसम्बन्ध राखेको ड्यानियलले दाबी गरेकी थिइन् ।
तर ट्रम्पले त्यसलाई अस्वीकार गरेका थिए । ट्रम्पले यी आरोपहरू आफूविरुद्धको षड्यन्त्र भएको बताएका थिए ।सोबमोजिम नवनिर्वाचित राष्ट्रपति ट्रम्पलाई हिजो शुक्रबार अदालतले जेल सजाय सुनाउने अपेक्षा गरिएको थियो।
तर न्युयोर्कका न्यायाधीश जुआन मार्चनले शुक्रबार फैसला सुनाउँदै भने, ‘म तपाईं (ट्रम्प) को दोस्रो कार्यकालको सफलताको कामना गर्दछु।’ अदालतले ट्रम्पलाई बिनासर्त रिहा गर्ने निर्णय गरेको हो।
यसको अर्थ उनले उक्त मुद्दामा न कुनै जरिवाना तिर्नु पर्नेछ न त कुनै जेल सजाय भोग्नु पर्नेछ। न्यायाधीश मार्चनले यस मुद्दामा ट्रम्पलाई बिनासर्त रिहाइ गर्नु देशको सर्वोच्च पदको उल्लंघन नगरी वैध सजाय भएको तर्क गरेका छन् ।
ट्रम्प यही जनवरी २० मा दोस्रोपटक अमेरिकी राष्ट्रपतिका रूपमा शपथ खाँदै छन्। यसअघि ट्रम्प सन् २०१६ मा राष्ट्रपति बनेका थिए। हस मनी’ भन्नाले कसैलाई गोप्य राख्न वा सार्वजनिक नगर्नका लागि दिइने रकमलाई जनाउँछ।
विशेषगरी, प्रतिष्ठित व्यक्तिहरूले आफ्नो छवि जोगाउन वा विवादास्पद घटनाहरू लुकाउन यस्तो रकम प्रदान गर्ने गर्छन्। अमेरिकी राष्ट्रपति ट्रम्पमाथि २०१६ को राष्ट्रपतीय चुनावको समयमा एडल्ट फिल्म अभिनेत्री स्टॉर्मी डेनियल्सलाई १ लाख ३० हजार डलर हस मनी दिएको आरोप लागेको थियो ।
जसको उद्देश्य उनीसँगको कथित सम्बन्धलाई सार्वजनिक हुनबाट रोक्नु थियो।अर्काे तर्फ अमेरिकी विमान कम्पनी बोइङले नवनिर्वाचित राष्ट्रपति डोनाल्ड ट्रम्पको शपथ ग्रहण समारोहका लागि १० लाख अमेरिकी डलर दान गर्ने भएको छ ।
बोइङका साथै गुगल र माइक्रोसफ्टले पनि त्यति नै रकम दान गरेको बीबीसीले जनाएको छ । यसरी दान गर्नेमा तेल उत्पादक कम्पनी शेभरन र मेटा, अमेजन र उबरलगायत धेरैवटा अमेरिकी कम्पनी छन् ।
डोनाल्ड ट्रम्पले जनवरी २० मा राष्ट्रपतिको शपथ खाँदै छन् । यो उनको दोस्रो कार्यकाल हो । ‘हामी अमेरिकी राष्ट्रपतिको शपथ समारोहलाई समर्थन गर्ने बोइङको द्विदलीय परम्परालाई निरन्तरता दिन पाउँदा खुसी छौँ,’ बोइङले भनेको छ ।
कम्पनीले पछिल्ला तीन राष्ट्रपतिको शपथमा पनि यस्तै दान गरेको जनाएको छ । कार कम्पनीहरू फोर्ड, जनरल मोटर्स र टोयोटाले पनि १०÷१० लाख डलर दान गरेको बीबीसीले जनाएको छ।
