विराटनगर,असोज १३
आज २९ सेप्टेम्बर संसारभरि विश्व मुटु दिवसकोरुपमा मनाईदै छ । नेपालमा समेत यो दिवस विविध कार्यक्रमगरि मनाइदै छ । सो अवसरमा लायन्स क्लब अफ विराटनगर योङ हार्टको आयोजनामा जनचेतनामुलक प्रभातफेरी निकालिएको छ ।
स्थानिय नमस्कार होटल परिसरबाट निकालिएको प्रभातफेरीले ट्राफिकचोकबाट, धरानरोड,शनिमन्दिरबाट मेनरोड हुंदै नगरको विभिन्न क्षेत्रको परिक्रमा गरेको थियो ।
यसबर्ष स्वस्थ्य मुुटुकालागि जीवनशैली परिवर्तनको नारा सहित दिवस मनाइएको नेपाल हृदयरोग निवारण प्रतिष्ठान,मोरङका निर्वतमान अध्यक्ष डाक्टर शंकर अधिकारीले जानकारी दिए ।
प्रभातफेरीमा विभिन्न चिकित्सा संस्थानमा अध्यनरत र कार्यरत चिकित्सक र स्वास्थ्यकर्मी लगायतको सहभागिता थियो ।
