विराटनगर : मोरङको बुढीगंगा गाउँपालिका – ३ स्थित इस्ट एसिया प्लास्टिक उद्यागको टुलिटर ब्लो मेसिनमा टाउको ठोक्किँदा एक महिलाको ज्यान गएको छ ।
सोही उद्योगमा मजदुरी गर्दै आईरहेकी खोटाङ बाक्सिला घर भई हाल बुढीगंगा गाउँपालिका – ३ मा बस्ने ३४ बर्षीया सरिता तामाङको बोतल टिप्न भुइँमा निहुरिएको बेला स्वचालित मेसिनले टाउकोमा लागेको थियो ।
मेसिनले लागेर गम्भिर घाईते तामाङको न्युरो अस्पताल विराटनगरमा उपचारको क्रममा मृत्यु भएको इलाका प्रहरी कार्यालय निमुवाले जनाएको छ । यो समाचार आजको उद्घोष दैनिकमा छापिएको छ ।
