रौतहट : स्वतन्त्र मधेसको वकालत गर्दै आएका डा.सिके राउत रौतहटको गौरबाट पक्राउ परेका छन्। राउतलाई प्रहरीले आइतबार दिउँसो रौतहटबाट पक्राउ गरेको हो।
जिल्ला अदालत, रौतहटमा नियमित पेशीमा उपस्थित भएर फर्किँदै गर्दा उनलाई पक्राउ गरिएको हो । अदालतमा राउतको समर्थनमा आएका करिब एक सय समर्थकहरुले सीके राउतको पक्राउको विरोधमा प्रदर्शन गरेका छन् ।
राउतलाई राज्य विरुद्धको अपराधमा मुद्दा चलाइने प्रहरीले जनाएको छ । यसअघि पटकपटक पक्राउ पर्दै आएका राउतलाई राज्य विरुद्धको मुद्दा लागे पनि छुट्दै आएका छन्।
प्रहरीले खोजी सूचीमा राखेका राउतले संविधान दिवसको विरोधमा जनकपुरको मुख्य चोकमा सम्बोधन गरेका थिए । तर प्रहरीले पक्राउ गरेको थिएन।
