सुनसरी, आश्विन २१
कोठा खोज्ने बहानामा घरमा चोरी गर्ने १ महिलालाई ईलाका प्रहरी कार्यालय ईटहरीले पक्राउ गरेको छ ।
केही समय देखि ईटहरीका बिभिन्न स्थानहरुमा एक महिला कोठा खोज्न आउने बहाना बनाउदै घरमा कोही नभएको मौका छोपी चोरी गर्ने गरेको भन्ने स्थानीयवासीको गुनासो आउन थाले निगरानी बढाएको प्रहरीले शनिबार बेलुका ईटहरी उपमहानगरपालिका–५ रक्तमाला टोलबाट २० बर्षीया सरस्वती बि.क.लाई पक्राउ गरेको हो ।
पक्राउ परेकी बि.क. को साथबाट प्रहरीले ६ तोला सुन र ७४ हजार नगद बरामद गरेको छ ।यसबारेमा थप अनुसन्धान भईरहेको ईलाका प्रहरी कार्यालय ईटहरीले जनाएको छ ।
