विराटनगर, असोज २३
राउण्ड टेबल नं. ५ ले विभिन्न सामुदायिक विद्यालयहरुमा अध्ययनरत विद्यार्थीहरुलाई सहयोग संकलन गर्ने उद्देश्यले विराटनगरमा ‘डाण्डिया नाइट’ आयोजना गर्ने भएको छ । डाण्डिया भनेको मारवाडि समुदायका महिलाहरुले लाठि ठोक्काउदै नाच्ने नाच हो ।
भारतको राजस्थान र गुजरातको संस्कृति अनुसार मनाइने डाण्डिया नाच नेपालमा पनि खासगरी मारवाडी वाहुल्यता क्षेत्रमा मनाउने गरिन्छ । कार्यक्रममा भारतका प्रसिद्ध कलाकारहरुको प्रस्तुती रहनेछ ।
यही असोज २७ गते शनिबार हुने कार्यक्रमको तयारी तीब्र रुपमा भइरहेको राउण्ड टेबल ५ का पब्लिसिटि कन्भेनर सञ्जीव सिग्देलले जानकारी दिए । कार्यक्रमबाट संकलित रकम सामुदायिक विद्यालयमा अध्ययनरत विपन्न परिवारका विद्यार्थीहरुको पठन पाठनमा खर्च गरिने सिग्देलले जानकारी दिए ।
