१६ वैशाख , काठमाण्डौ।
हाल पश्चिमी तथा स्थानीय वायुसँगै पूर्वी भूभाग नजिकको न्यून चापीय प्रणालीको प्रभावका कारण देशभर मौसममा उल्लेख्य परिवर्तन देखिएको छ। धेरै जिल्लामा मेघगर्जन, चट्याङ, असिना र तीव्र हावाहुरीसहित वर्षाको सम्भावना देखिएको जल तथा मौसम विज्ञान विभागले जनाएको छ।
विभागले विशेषगरी सुदूरपश्चिमदेखि कोसी प्रदेशसम्मका विभिन्न जिल्लामा हावाहुरीको जोखिम उच्च रहेको भन्दै सर्वसाधारणलाई आवश्यक सतर्कता अपनाउन आग्रह गरेको छ। साँझदेखि सुरु भएर भोलि बिहानसम्म प्रभाव रहने अनुमान गरिएको यस मौसमी प्रणालीले जनजीवन, यातायात, विद्युत् सेवा र संरचनामा समेत असर पार्न सक्ने चेतावनी दिइएको छ।
देशका केही स्थानमा आज तीव्र हावाहुरीको पूर्वानुमान छ । सुदूरपश्चिमदेखि कोसी प्रदेशका विभिन्न जिल्लामा तीव्र हावाहुरीको सम्भावना रहेको जल तथा मौसम विज्ञान विभागले जनाएको छ । विभागका अनुसार, सुदूरपश्चिम प्रदेशका डडेलधुरा र डोटीसहित आसपासका जिल्ला, लुम्बिनी प्रदेशका बर्दिया, बाँके, दाङ र अर्घाखाँची हित आसपासका जिल्लामा तीव्र गतिको हावाहुरी चल्ने सम्भावना छ ।
त्यस्तै, मधेस प्रदेशका धनुषा र बारासहित आसपासका जिल्ला र कोसी प्रदेशको मोरङसहित आसपासका जिल्लामा हावाहुरी चल्ने सम्भावना रहेकोले आवश्यक सतर्कता अपनाउन विभागले आग्रह गरेको छ । “बुधबार सुदूरपश्चिम प्रदेशका डडेलधुरा र डोटीसहित आसपासका जिल्ला, लुम्बिनी प्रदेशका बर्दिया, बाँके, दाङ र अर्घाखाँचीसहित आसपासका जिल्ला, मधेस प्रदेशका धनुषा र बारासहित आसपासका जिल्ला र कोसी प्रदेशको मोरङसहित आसपासका जिल्लामा तीव्र हावाहुरी चल्ने सम्भावना रहेकोले आवश्यक सतर्कता अपनाउनुहोला,” विभागले मंगलबार जारी गरेको सूचनामा उल्लेख छ ।
हावाहुरी साँझ करिब ५ः४५ बजे सुरु हुने सम्भावना छ । बिहीबार (वैशाख १७) बिहान करिब ७ः४५ बजे हावाहुरी ‘समाप्त हुने’ सम्भावना रहेको विभागले जनाएको छ । मेघगर्जन÷चट्याङ÷हावाहुरी÷असिनासहित पानी पर्ने प्रणाली पश्चिमदेखि क्रमशः पूर्वतिर सर्दै जाने सम्भावना रहेकोले देशका धेरै ठाउँहरूमा यसको प्रभाव पर्ने सम्भावना छ ।
मौसम महाशाखाले भनेको छ, ‘मेघगर्जन÷चट्याङ÷हुरी÷असिनासहित पानी पर्ने प्रणाली पश्चिमबाट क्रमशः पूर्वतिर सर्दै जाने सम्भावना रहेकाले देशका धेरै ठाउँहरूमा यसको प्रभाव पर्ने सम्भावना छ। आवश्यक सतर्कता अपनाउनुहोला।’ यस्तै राष्ट्रिय जोखिम न्युनिकरण प्राधिकरणले तीव्र हावाहुरीका कारण रुख ढल्ने, कमजोर संरचना भत्किने, छाना उड्ने र विद्युत् तथा सञ्चार सेवा प्रभावित हुन सक्ने भन्दै सतर्कताका लागि यस्ता सुझावहरू दिएको छ।
सकेसम्म घरबाहिर हिँडडुल नगर्ने। घरको झ्यालढोका राम्रोसँग बन्द गर्ने। जस्तापाताको छाना कमजोर भएमा त्यसलाई बलियो बनाउने। घरबाहिर आगो नबाल्ने र घरभित्र आगो बाल्दा सावधानी अपनाउने। लड्न सक्ने कमजोर संरचना, अग्ला रुख, खम्बा र बिजुलीको तारमुनि नबस्ने। भुइँमा लत्रिएका बिजुलीका तारहरू नछुने।
हावाले उडाएर ल्याउने सामानबाट चोट लाग्न सक्ने भएकाले सचेत रहने। हाल नेपालमा पश्चिमी र स्थानीय वायुको साथै नेपालको पूर्वी भू–भाग नजिक तल्लो वायुमण्डलमा रहेको न्यून चापीय क्षेत्रको प्रभाव रहेको मौसम पूर्वानुमान महाशाखाले जनाएको छ । महाशाखाका अनुसार कोशी, मधेश, बागमती र गण्डकी प्रदेश लगायत देशको हिमाली र पहाडी भू–भागमा अधिकांश बादल लागेको छ र बाँकी भू–भागमा आंशिक बादल लागेको छ ।
गण्डकी प्रदेशको थोरै स्थानहरूमा तथा बागमती र कर्णाली प्रदेशको एकदुई स्थानमा मेघगर्जन÷चट्याङ्गसहित मध्यमसम्मको वर्षा भइरहेको छ । आज दिउँसो कोशी, मधेश, बागमती, गण्डकी र लुम्बिनी प्रदेश लगायत कर्णाली र सुदूरपश्चिम प्रदेशको पहाडी र हिमाली भू–भागमा अधिकांश बादल लाग्ने तथा सुदूरपश्चिम प्रदेशको तराई भू–भागमा साधारणतया बादल लाग्नेछ ।
कोशी, मधेश, बागमती, गण्डकी र लुम्बिनी प्रदेशको धेरै स्थानहरूमा तथा कर्णाली र सुदूरपश्चिम प्रदेशको केही स्थानहरूमा मेघगर्जन÷चट्याङ्गसहित मध्यमसम्मको वर्षा÷हिमपातको सम्भावना रहेको छ । कोशी प्रदेशको पहाडी भू–भागका एकदुई स्थानमा मेघगर्जन÷चट्याङ्गसहित भारी वर्षाको पनि सम्भावना रहेको छ ।
यसैगरी, राति कोशी, मधेश, बागमती र गण्डकी प्रदेश लगायत देशको हिमाली र पहाडी भू–भागमा अधिकांश बादल लाग्ने र तराई भू–भागमा साधारणतया बादल लाग्नेछ । कोशी, मधेश, बागमती र गण्डकी प्रदेशको धेरै स्थानहरूमा तथा लुम्बिनी, कर्णाली र सुदुरपश्चिम प्रदेशको पहाडी र हिमाली भू–भागका थोरै स्थानहरूमा मेघगर्जन÷चट्याङ्गसहित मध्यमसम्मको वर्षा÷हिमपातको सम्भावना रहेको छ ।
लुम्बिनी र सुदूरपश्चिम प्रदेशको तराई भू–भागका एकदुई स्थानमा मेघगर्जन÷चट्याङ्गसहित मध्यमसम्मको वर्षा÷हिमपातको सम्भावना रहेको छ । कोशी र गण्डकी प्रदेशको पहाडी भू–भागका एकदुई स्थानमा मेघगर्जन÷चट्याङ्गसहित भारी वर्षाको पनि सम्भावना रहेको छ ।
आज काठमाडौँ उपत्यकामा पानी पर्ने सम्भावना रहेको मौसम पूर्वानुमान महाशाखाले जनाएको छ। मौसम महाशाखाका मौसमविद् सरोज पुडासैनीका अनुसार ‘आज काठमाडौँ उपत्यकामा हल्कादेखि मध्यमसम्म वर्षा हुने सम्भावना देखिएको हो।’
