विराटनगर,असोज २५
नेपाली कांग्रेस वडा नम्बर–३ विराटनगरले दसैंको अवसरमा शुभकामना आदानप्रदान कार्यक्रमको आयोजना गरेको छ ।
नेपाली कांग्रेस वडा नम्बर ३ विराटनगरको आयोजनामा भएको शुभकामना कार्यक्रममा बोल्दै नेपाली कांग्रेसका केन्द्रीय सदस्य अमृत अर्यालले सुख , शान्ति र उत्तरोत्तर प्रगतिको कामना गरे ।
कांग्रेस अहिले प्रतिपक्षमा भएर सरकारका राम्रा कामलाई प्रोत्साहन गर्ने र नराम्रा कामलाई खबरदारी गरेर अगाडि बढ्नु पर्ने भएकाले सम्पूर्ण पार्टीका नेता तथा कार्यकर्ताहरु एकजुट भएर अगाडि बढ्नुको विकल्प नरहेको बताए ।
यस्तै कार्यक्रममा बोल्दै विराटनगर महानगरपालिकाका प्रमुख भिम पराजुलीले सम्पूर्ण नगरवासीहरुलाई शुभकामना दिदै महानगरपालिका विकासको चरणमा रहेको भन्दै सबैसँग सहयोगको अपेक्षा गरिएको बताए ।
कार्यक्रममा पूर्व राज्यमन्त्री दिलिप गच्छदार, महासमिति सदस्य दामोदर कोइराला लगायतका नेताहरुले शुभकामना दिएका थिए ।
