२८ साउन, काठमाण्डौ ।
हाल देशभर मनसुनी वायुको प्रभाव सक्रिय रहेको छ। दिउँसोभन्दा राति धेरै पानी पर्नेछ । दिउँसो मध्यमसम्म वर्षा हुँदा राति धेरै भारी वर्षाको पूर्वानुमान छ ।
मनसुनको न्यून चापीय रेखा आफ्नो सरदर स्थानकै आसपासमा अवस्थित रहँदा कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी भूभागमा साधारणतया बदली (बादल लागेको) छ भने उच्च पहाडी तथा हिमाली केही क्षेत्रमा मध्यम वर्षासँगै हल्का हिमपातको समेत सम्भावना रहेको मौसम पूर्वानुमान महाशाखाले जनाएको छ।
आज बिहीबार, देशभर मनसुनी वायुको प्रभाव कायमै रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ। महाशाखाका अनुसार हाल नेपालमा मनसुनको न्यून चापीय रेखा सरदर स्थानकै आसपासमा अवस्थित रहेका कारण मौसम प्रणालीमा लगातार प्रभाव परिरहेको छ।
यतिबेला देशका अधिकांश भूभागमा मौसम प्रभावित बनेको छ। मधेस प्रदेश लगायत कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी भूभागमा साधारणतया बादल लागेको छ। यद्यपि, लुम्बिनी र सुदूरपश्चिम प्रदेशका तराई क्षेत्रमा भने आंशिक बदलीसहित मौसम मुख्यतया सामान्य अवस्थामा रहेको छ।
मौसमविद्हरूले दिएको जानकारी अनुसार, पछिल्लो केही घण्टा देखि कोशी र बागमती प्रदेशका केही स्थानहरूमा तथा गण्डकी र कर्णाली प्रदेशका थोरै स्थानहरूमा मध्यम किसिमको वर्षा भइरहेको छ। यसैगरी, लुम्बिनी र सुदूरपश्चिम प्रदेशका तराई तथा पहाडी भूभागका एक–दुई स्थानमा समेत हल्का वर्षा भइरहेको छ।
आज दिनभर र रातको समयमा पनि मौसमको यो प्रणाली जारी रहनेछ।कोशी, बागमती, गण्डकी र लुम्बिनी प्रदेशका हिमाली तथा पहाडी भूभागका केही स्थानहरूमा मध्यम वर्षा हुने प्रबल सम्भावना रहेको छ। विशेषगरी कर्णाली र सुदूरपश्चिम प्रदेशका हिमाली तथा पहाडी भेगका थोरै स्थानहरूमा मध्यम वर्षासँगै उच्च हिमाली क्षेत्रमा हिमपातको समेत सम्भावना रहेको छ।
मधेस, कोसी, वाग्मती, गण्डकी र लुम्बिनी प्रदेशका तराई भूभागका थोरै स्थान तथा सुदूरपश्चिम प्रदेशका तराई भूभागका एकदुई स्थानमा मध्यमसम्मको वर्षाको सम्भावना छ । विभागले राति देशभर साधारणतया बादल लाग्ने बताएको छ ।
कोसी, वाग्मती, गण्डकी र लुम्बिनी प्रदेशका हिमाली र पहाडी भूभागका धेरै स्थानमा तथा कर्णाली र सुदूरपश्चिम प्रदेशको हिमाली र पहाडी भूभागका केही स्थानमा मध्यमसम्मको वर्षा÷हिमपातको सम्भावना छ। मधेस, कोसी र सुदूरपश्चिम प्रदेशका तराई भूभागका केही स्थान तथा वाग्मती, गण्डकी र लुम्बिनी प्रदेशका तराई भूभागका थोरै स्थानमा मध्यमसम्मको वर्षाको सम्भावना छ ।
कोसी, वाग्मती, गण्डकी र लुम्बनी प्रदेशका हिमाली र पहाडी भूभागको थोरै स्थानमा भारी वर्षाको पूर्वानुमान छ । गण्डकी प्रदेशको हिमाली र पहाडी भूभागको एकदुई स्थानमा धेरै भारी वर्षाको पनि सम्भावना छ।
तसर्थ, यी क्षेत्रमा यात्रा गर्ने वा पदयात्रामा जाने पर्यटकहरू तथा स्थानीय बासिन्दाहरूलाई उच्च सतर्कता अपनाउन मौसम पूर्वानुमान महाशाखाले आग्रह गरेको छ। त्यसैगरी मधेस प्रदेशसहित कोशी, बागमती, गण्डकी र लुम्बिनी प्रदेशका तराई भूभागका थोरै स्थानहरूमा तथा सुदूरपश्चिम प्रदेशको तराईका एक–दुई स्थानमा मध्यमसम्मको वर्षा हुन सक्नेछ।
तराईका केही क्षेत्रमा हल्कादेखि मध्यम वर्षा हुँदा गर्मीबाट केही राहत महसुस भए तापनि यातायात तथा जनजीवनमा सामान्य असर पर्न सक्नेछ। मनसुनको यो समयमा देशका विभिन्न नदी तथा नालाहरूमा पानीको सतह बढ्न सक्ने, पहाडी भूभागमा पहिरो तथा गेग्रान बहावको जोखिम रहने हुनाले आवश्यक सतर्कता अपनाउन सम्बन्धित सबैमा अनुरोध गरिएको छ।
विशेष गरी यात्रा गर्दा बाटोको अवस्था बुझेर मात्र निस्कन र मौसमसम्बन्धी ताजा जानकारी लिन मौसम पूर्वानुमान महाशाखाको नियमित बुलेटिनहरू पछ्याउनुहुन अनुरोध गरिएको छ।
