१४ असोज , काठमाण्डौ।
चर्चित लोकगायक खेम सेन्चुरीसँग साइबर ब्यूरोले गर्याे उनको एक गीतका विषयमा परेको उजुरीबारे सोधपुछ ।
सेन्चुरीको रचना, स्वर र संगीत रहेको ‘बाहुन बाजे किन कसेको’ बोलको गीतलाई लिएर हिन्दुवादी अभियन्ता सागर थापाले ब्यूरोमा उजुरी दिए ।
करिब एक महिनाअघि युट्युबमा सार्वजनिक भएको गीत तथा भिडियोले बाहुन समुदायलाई होच्याएको र सनातन हिन्दूको एकता तथा सद्भावमा असर पार्न खोजेको उजुरीकर्ताको आरोप ।
विशेषगरी गीतमा प्रयोग भएको ‘खान्छौ कि खान्नौ बंगुरको मासु, लौ खाऊ न त सुंगुरको मासु’ भन्ने पंक्तिप्रति आपत्ति ।
छलफलमा हिन्दु जागरण नेपालका अध्यक्ष पं. रामकृष्ण उपाध्याय, भागवत कथावाचक आचार्य मुकुन्द नेपाल, विश्व हिन्दु युवा संघ अन्तर्राष्ट्रिय समितिका अध्यक्ष सागर थापा, ओम सनातन संस्कृति समाजका अध्यक्ष रोजबहादुर मोक्तानलगायत सहभागी ।
साइबर ब्यूरो स्रोतका अनुसार गीत संशोधन गर्ने वा हटाउने विषयमा थप छलफल गर्न बुधबार दिउँसो दुवै पक्षलाई पुनः बोलाइएको र सेन्चुरीलाई बोलाएर छलफल गरिएको ब्यूरोका प्रवक्ता एसपी दिलिप गिरीले गरे पुष्टि
