विराटनगर : दशैँमा बजार क्षेत्रमा सुरक्षाकर्मी सक्रिय भएको बेला भारतीय सिमावर्ती क्षेत्रमा पेट्रोलियम तस्करी बढेको छ । नेपाल भन्दा डिजेल पेट्रोल भारतमा २२ रुपैँया प्रतिलिटर महँगो हुने भएकाले कारोबारीले तस्करी बढाएका हुन् ।, यो समाचार आजको उद्घोष दैनिकमा छापिएको छ ।
केही दिन अघि मात्रै भारत सरकारले डिजेल र पेट्रोलको मुल्य घटाएकोले मुल्यअन्तर प्रतिलिटर २२ रुपैँया फरक छ । त्यसअघि भारतभन्दा नेपालमा ३० रुपैँया सस्तो थियो ।
इलाका प्रहरी कार्यालय रानी विराटनगरका निरीक्षक सन्तोष निरौलाका अनुसार , सोमबार प्रहरीले विराटनगर –१८ बाट तस्करीमा संलग्न एक ब्यक्तिलाई पक्राउ गरिएको छ ।
जहदा –१ का सुनील सरबरियाले को १४ प ७७१० नम्बरको मोटरसाईकलमा डिजेलका ग्यालेन बोकेर भारततर्फ जाँदै गरेको बेला पक्राउ परेका थिए । सरबरियालाई विराटनगर भन्सार कार्यालयले सोमबार नै १ लाख ६ हजार रुपैँया धरौेटी लिएर रिहा गरको छ ।
त्यस्तै सिमावर्ती सुनसरीको घुस्कीबाट सोमबार राती भारतीय नम्बरको मोटरसाईकल र ४ ग्यालेन डिजेल ससस्त्र प्रहरीले नियन्त्रणमा लिएको छ । डिजेल तस्करी गर्ने ब्यक्ति भने फरार रहेको प्रहरीले जनाएको छ ।
