काठमाडौं,कार्तिक ८
भारतीय कम्युनिष्ट पार्टी (माक्र्सवादी) का महासचिव सीताराम यचुरी नेपाल आएका छन् । सत्तारुढ नेपाल कम्युनिष्ट पार्टी (नेकपा) को निमन्त्रणामा महासचिव यचुरी विहीबार बिहान काठमाडौं आईपुगेका हुन् ।
उनले त्रिभुवन अन्तराष्ट्रिय विमानस्थलमा संचारकर्मीहरुसँग संक्षिप्त कुराकानी गर्दै आफ्नो नेपाल बसाई दुई देश र दुई पार्टीबीचको सम्बन्धलाई अझै बलियो बनाउन केन्द्रित हुने बताए ।
नेपाल बसाईको क्रममा महासचिव यचुरीले प्रधानमन्त्री केपी शर्मा ओली, नेपाल कम्युनिष्ट पार्टी (नेकपा) का अध्यक्ष पुष्पकमल दाहाललगायतका नेताहरुसँग भेटवार्ता गर्ने कार्यक्रम रहेको छ ।
यस्तै शुक्रबार पुष्पलाल स्मृति प्रतिष्ठानद्धारा आयोजित विचार गोष्ठीलार्इं पनि सम्बोधन गर्ने कार्यक्रम रहेको छ । शनिबार सत्तारुढ नेपाल कम्युनिष्ट पार्टी (नेकपा)को चियापान कार्यक्रममा सहभागी भएर महासचिव यचुरी स्वदेश फर्कने कार्यक्रम छ।
