काठमाडौं,कात्तिक ८
सर्वाधिक पुरस्कार राशिको पोखरा प्रिमियर लिग (पीपीएल) क्रिकेट प्रतियोगिता शुरू भएको छ ।प्रतियोगिताको पहिलो खेल अहिले विराटनगर टाइटन्स र पोखरा पल्टनबीच पोखरा रंगशालामा भईरहेको छ ।
क्विन्स इभेन्ट्स म्यानेजमेन्ट प्रालीले आयोजना गरेको पीपीएल क्रिकेट सर्वाधिक पुरस्कार राशिको क्रिकेट प्रतियोगिता हो ।कार्तिक २० गतेसम्म सञ्चालन हुने प्रतियोगितामा ६ टिमको सहभागिता रहेका छन् । प्रतियोगितामा विराटनगर टाईटन्स, चितवन राईनोज, पोखरा पल्टन, बुटवल ब्लास्टर, काठमाडौं रोयल्स र एक्स्पर्ट धनगढी ब्लुज रहेका छन् ।
पीपीएलको विजेताले २७ लाख नगद पुरस्कार प्राप्त गर्न छ । त्यस्तै, उपविजेताले १० लाख नगद प्राप्त गर्नेछ ।प्रतियोगिताको म्यान अफ द सिरिज उत्कृष्ट ब्याट्सम्यान र उत्कृष्ट बलरले सुजुकी जिक्सर १ सय ५५ सीसीको मोटरसाइकल प्राप्त गर्ने छ ।
त्यस्तै, प्रत्येक खेलमा म्यान अफ द म्याच हुनेले नगद १० हजार रुपैयाँ र प्रायोजकहरुबाट ५ हजार बराबरको गिफ्ट ह्याम्पर प्राप्त गर्नेछन् । त्यस्तै, पीपीएलको हरेक खेलको विजेता टिमले रिलायन्स सिमेन्ट विनिङ बोनस स्वरुप नगद पुरस्कार १५ हजार ५ सय रुपैयाँ प्राप्त गर्नेछ ।
पोखरामा भईरहेको खेलमा यो समाचार तयार पार्दासम्म पोखराले ७ ओभर ब्याटिङ गर्दै १ विकेटको क्षतीमा ६१ रन बनाएको छ ।
लाईभ हेर्नुहोस् ः
