विराटनगर : निर्माण सुरु गरिएको ६ वर्षपछि निर्माणाधिन विराटनगर– बथनाहा रेल्वे लिकमा रेलको इञ्जिन परीक्षण गरिएको छ । आईतबार भारतको बथनाहबाट विराटनगरको बुधनगरस्थित नेपाली कस्टक यार्डसम्म पहिलो पटक रेलको इञ्जिन परीक्षण गरिएको हो ।
निर्माणाधिन रेल्वे परियोजनाको १८.१ किलोमिटर क्षेत्र मध्ये भारततर्फ ५ र नेपालतर्फ ३ किलोमिटरसम्म लिक बिच्छ्याईएको ८ किलोमिटर क्षेत्र यात्रा गर्न इञ्जिनलाई १ घण्टा लागेको थियो ।
निर्माणाधिन रेल्वे परियोजनाको पहिलो चरणमा नेपाल र भारततर्फ जम्मा ८ किलोमिटर क्षेत्रको काम अन्तिम चरणमा छ । डेढ महिनाभित्र काम सम्पन्न गरी हस्तान्तरण गर्ने तयारी भएको भारतीय निर्माण कम्पनी इरकोनका सहायक महाप्रबन्धक नगेन्द्र कुमारले जानकारी दिए ।
मंसिर २६ गते(डिसेम्बर–१२ तारिख)मा जनकपुर– जयनगर क्षेत्रको रेल्वे उद्घाटन गर्ने तयारी गरिएको छ । भारतीय प्रधानमन्त्री नरेन्द्र मोदी र नेपालका प्रधानमन्त्री केपी शर्मा ओलीले जनकपुरबाट संयुक्तरुपमा विराटनगर –बथनाह र जनकपुर– जयनगर रेल उद्घाटन गर्ने कार्यक्रम रहेको बताईएको छ ।, यो समाचार आजको उद्घोष दैनिकमा छापिएको छ ।
