५ पुस, विराटनगर । विराटनगरमा वुधवारवाट फुटवयर विजनेस एक्सपो सुरु भएको छ ।
नेपाली जुत्ता तथा चप्पललाई स्वदेशमै पर्वद्धन तथा बजारीकरणका लागि विराटनगरमा पहिलो पटक चुत्ता चप्पलको मेला आयोजना गरिएको हो ।
एक्सपोको नवनिर्वाचित संसाद लालावावु पण्डिलले एक कार्यक्रमकावीच उद्घाटन गरे ।
नेपाली जुत्ता घरका अध्यक्ष हेमनाथ उपाध्ययले स्वदेशमा उत्पादन गरिएका विभिन्न व्राण्डका जुत्ता चप्पल मेलामा राखिएको जानकारी दिए ।
मेलामा शिखर सुज, विएफ डियर हिल सुज,क्रसरोड सुज,सु-ल्याण्ड र हाइलाईफ लगायतका कम्पनीबाट उत्पादित जुत्ता चप्पल मेलामा राखिएको छ ।करिब ५ करोडको कारोवार हुने लक्ष्य राखिएको मेलामा ३० स्टल रहेका छन् ।
मेलामा स्वदेशी कम्पनीहरुले उत्पादन गरेका चुत्ता चप्पलमा ७५ प्रतिशत छुटको व्यवस्था समेत गरिएको जनाइएको छ ।
कार्यक्रमका प्रमुख अतिथि समेत रहेका संसाद पण्डितले मेलामा एक जोर जुत्ता समेत खरिद गरेका थिए ।
