पोखरा,मंसिर १६
स्वास्थ्य सेवा निर्देशनालय अन्तरगत क्षेत्रीय कार्यालय पोखरामा कार्यरत एकजना सहसचिव एक लाख रुपैयाँ घुससहित पक्राउ परेका छन् ।
अख्तियार दुरुपयोग अनुसन्धान आयोगका प्रवक्ता रामेश्वर दंगालका अनुसार सहसचिव डा तारानाथ पौडेललाई सेवाग्राहीसँग घुस लिँदा लिँदै पक्राउ गरिएको हो ।
उनलाई हिरासतमा लिएर थप अनुसन्धान भइरहेको दंगालले बताए । पौडेलले एकजना युवालाई लोकसेवा आयोगामा जागिर लगाइदिने आश्वासन देखाएर घुस लिएका खुलेको दंगालले जानकारी दिए ।