विराटनगर, मंसिर २०
त्रिभुवन विश्वविद्यालयको आंगिक क्याम्पसको रुपमा रहेको विराटनगरको स्नात्तकोत्तर (डिग्री क्याम्पस)को छात्राबासको प्राङ्गणमा थुपारिएको निर्माण सामाग्री तत्काल हटाउन अनेरास्ववियु र अनेरास्ववियु क्रान्तिकारी क्याम्पस शाखाले माग गरेको छ ।
विश्वविद्यालयको नियम ऐन विपरीत र ब्यक्तिगत नाफाका रुपमा ध्यानमा राखि निर्माण कम्पनीको नाममा ढुङ्गा, गीट्टी, बालुवा लगायतका सामाग्री थुपारिएको भन्दै विद्यार्थी संगठनले सो सामाग्री तत्काल हटाउन आग्रह गरेको छ ।
अनेरास्ववियु र अनेरास्ववियु क्रान्तिकारी स्नाकोत्तर क्याम्पसले बिहीबार संयुक्तरुपमा विज्ञप्ति जारी गर्दै क्याम्पसका विद्यार्थीहरुको खेल मैदानका रुपमा प्रयोग भईरहेको सो प्राङ्गणका सम्पूर्ण सामाग्री हटाई क्षति पुगेको खेलमैदान ७ दिनभित्र मर्मत गर्न माग गरेको छ ।
विज्ञप्तिमा क्याम्पसका विद्यार्थीहरुको खेलमैदानका रुपमा प्रयोग भईरहेको उक्त प्राङ्गणमा थुपारिएका सम्पूर्ण सामाग्री तुरुन्त हटाईयोस र नियम विपरीत निर्माण कम्पनीले गरेको हर्कतका कारण मैदानमा पुगेको क्षतिको तुरुन्त खेलमैदानका रुपमा कायम राख्न जोडदार माग गरिएकोे छ‘।
अन्यथा आन्दोलनका जस्तासुकै कदम चाल्न बाध्य हुने विद्यार्थीले चेतावनी दिएका छन् ।
