उदयपुर, मंसिर २८
उदयपुरको लिम्चुङबुङ गाउँपालिका–४ बलम्तामा बिहीवार बनभोज खाएर फर्कदै गरेको ट्याक्टर दुर्घटना हुँदा २ जनाको मृत्यु भएको छ भने ८ जना घाइते भएका छन् ।
राती साढे १० बजे बनभोज खाएर सिरवानीबाट बलम्ता तर्फ आउँदै गरेको स १ त ७३२३ नम्बरको ट्याक्टर आँफै अनियन्त्रित भई सडकबाट अन्दाजी २०० मिटर तल खसेर दुर्घटना भएको थियो ।
दुर्घटनामा परि ट्याक्टरका चालक उदयपुर लिम्चुङबुङ गाउँपालिका–४ बस्ने २२ वर्षीय सुबिन राई र सोही ट्याक्टरमा सवार वर्ष २४ को पबन राईको मृत्यु भएको जिल्ला प्रहरी कार्यालय उदयपुरले जनाएको छ ।
साथै ट्याक्टरमा सवार लिम्चुङबुङ गाउँपालिका–४ बस्ने बर्ष ३१ को बिषु राई लगायत ८ जना घाइते भएका छन् । दुर्घटनामा घाइते सबैलाई उपचारको लागि जिल्ला अस्पताल उदयपुर पठाईएको जिल्ला प्रहरी कार्यालय उदयपुरले जनाएको छ ।
