काठमाडौं : सशस्त्र प्रहरी बल नेपालका २६ वटा गाडी बहालवाला प्रधानमन्त्री, पूर्वप्रधानमन्त्री, पूर्व उपप्रधानमन्त्री, गृहमन्त्री र पूर्वगृहमन्त्रीले प्रयोग गरेको पाइएको छ ।
सशस्त्रले सार्वजनिक सुरक्षा गस्तीका लागि आफ्ना ७७ वटा युनिटमा सुरक्षित सवारीको अभाव भएको बताइहेका बेला ती सवारी साधनहरू बहालवाला प्रधानमन्त्रीदेखि पूर्वप्रधानमन्त्री, पुर्व उपप्रधानमन्त्री, गृहमन्त्री, पूर्वगृहमन्त्री, पूर्वराजा ज्ञानेन्द्र शाहको सुरक्षाका नाममा प्रयोग भएको पाइएको छ ।
सशस्त्रका प्रवक्ता एवम् सशस्त्र प्रहरी नायव महानिरीक्षक सुरज श्रेष्ठले सशस्त्रका ७७ वटा युनिटमा सुरक्षित गस्तीकालागि गाडी नभएको जानकारी दिनुभयो ।
गृह मन्त्रालय स्रोतका अनुसार तीमध्ये प्रधानमन्त्री केपी शर्मा ओलीको पछुवालाई टाटा जेनन पिकअप, बा२झ३८०३, पूर्वप्रधानमन्त्री पुष्पकमल दाहाल प्रचण्डको पछुवालाई टोयटा हाइलक्स, बा१झ९१४२, पूर्वप्रधानमन्त्री शेरबहादुर देउवाको पछुवालाई महिन्द्र स्कारर्पियो पिकअप, ना१झ१५०३, नम्बरको गाडी दिइएको छ । अन्य पूर्व प्रधानमन्त्री लगायत पूर्वराजासम्म २६ भीअाइपीलाइ ती गाडीहरु दिइएकाे छ ।,नेपाल समाचारपत्रमा खबर छ ।
