१५ पुस, लहान । सिरहा जिल्लामा मानव अधिकार उल्लंघनका १२२ घटना भएका छन् ।
सन् २०१७ को वर्षभरिमा १ सय २२ वटा मानव अधिकार उल्लघंनका घटना भएको तथ्यांक ‘मानव अधिकार वर्ष पुस्तक सन् २०१८’ को पूर्वसमीक्षा कार्यक्रममा सार्वजनिक गरिएको हो ।
वर्षभरिमा भएका १ सय २२ मानव अधिकार उल्लंघनका घटनामध्ये तीनवटा राज्य पक्षबाट र बाँकी १ सय १९ अन्य पक्षबाट भएको छ ।
मानव अधिकार उल्लंघनका घटनामध्ये घरेलु हिंसा २६, बालिका बलात्कार २१ र बालिकामाथि बलात्कारको प्रयासको १३, महिला बलात्कार ३ र महिलामाथि बलात्कारको प्रयासको ७ वटा घटना भएका छन् ।
बहुविवाह १०, हत्या ११, जातीय भेदभाव २, मानव बेचविखन १, बाल विवाह १, बोक्सी आरोपमा १ जनामाथि कुटपिट र ९ जना दुव्र्यबहारमा परेका छन् ।
इन्सेकका अनुसार, आन्दोलनका क्रममा मधेसी मोर्चाबाट ६ तोडफोड र आगजानीका घटना भएका छन् । यस्तै, बम विष्फोट ९ तथा गोलीप्रहारको २ घटना भएको छ ।
