काठमाडौं : सरकारले अनुदानमा दिएको चामल नै महँगोमा बिक्रि भएको छ । खाद्य संस्थानले हुम्ला, डोल्पा र काठमाडौंमा बिक्री गर्ने जापानी अनुदानको चामल निजी व्यापारीको भन्दा महँगो भएको हो ।,यो समाचार आजको कान्तिपुर दैनिकमा छ ।
न्युन आय भएका जनतालाई राहतमा सरकारले वितरण गर्नेअनुदानको चामलमा नै संस्थानले तोकेको र निजी व्यापारीको मूल्यामा १६ रुपैयाँको अन्तर छ ।
संस्थान स्रोतका अनुसार सरकारले हुम्लाका लागि प्रतिकिलो ६१ रुपैयाँ निर्धारण गरेको छ । निजी व्यापारीले प्रतिकिलो ४५ रुपैयाँदेखि ५० रुपैयाँमा बिक्री गरेका छन् । जुन निजी व्यापारीको भन्दा १६ रुपैयाँको अन्तर हो ।
संस्थानका एक अधिकारीले भने अघिल्लो वर्ष तोकेको मूल्य अहिले पनि निरन्तर हुँदा अनुदानको चामलमा आकर्षण हुनसकेको छैन्।
