विराटनगर : विराटनगर महानगरपालिकामा ८ करोड ४७ लाखको लागतमा निर्माण गरिएको बस टर्मिनल भवन सञ्चालनमा आएको एक साता नपुग्दै चर्किएको छ । निर्माण सम्पन्न भएको ४ महिनापछि वस टर्मिनलको माघ १६ मा उद्घाटन गरिएको थियो । बस टर्मिनलको प्रदेश १ का मुख्यमन्त्री शेरधन राईले उद्घाटन गरेका थिए । उद्घाटन समारोहमा पनि अतिथिहरुले यात्रु मैत्री नभएको भन्दै आलोचना गरेका थिए ।
नगर विकास कोषको ऋण सहयोगमा मुलुकभर सञ्चालित योजनामध्ये यो टर्मिनल पनि एक हो । महानगरले कोषबाट ९ प्रतिशत ब्याज दरमा ऋण लिएर टर्मिनल निर्माण गरेको हो । टर्मिनल चर्कन थालेपछि स्थानीयले महानगरको कामप्रति टिप्पणी गर्न थालेका छन् । निर्माण कम्पनीले कमसल सामग्री प्रयोग गर्दा पनि महानगर मौन भएर निर्माण काम सम्पन्न गराएको स्थानीयको आरोप छ ।
टर्मिनल भवन निर्माण भइरहेको समयमा इञ्जिनियर प्राविधिकहरूले प्रभावकारी अनुगमन नगर्नुको परिणाम हो भन्दै उनीहरुले निर्माण कम्पनीलाई कारबाहीको दायरामा ल्याउन माग गरेका छन् ।,यो खबर आजको नेपाल समाचारपत्रले छापेको छ ।
