विराटनगर, फागुन ३
प्रदेश नम्बर १ सरकारले ९० बर्ष पुगेका ज्येष्ठ नागरिकहरुलाई जनही ५ हजार नगद सहित सम्मान गर्ने घोषणा गरेको छ । बिराटनगर स्थित मुख्यमन्त्री तथा मन्त्रिपरिषदको कार्यालयमा शुक्रबार एक नम्बर प्रदेश सरकारको प्रथम बार्षिकोत्वको अवसरमा आयोजित कार्यक्रममा मुख्यमन्त्री शेरधन राईले प्रदेश सरकारले ९० बर्ष पुगेका नागरिकहरुलाई घरमै पुगेर नगद ५ हजारसहित सम्मान गर्ने घोषणा गरेका हुन् ।
चालु बर्षदेखि नै ९० बर्ष माथिका ज्येष्ठ नागरिकहरुलाई जनही ५ हजार रुपैँयासहित घर–घरमै पुगेर सम्मान गरिने उनले बताए । उनले एक नम्वर प्रदेशका १४ वटै जिल्लाका ९० वर्ष उमेर पुगेका ज्येष्ठ नागरिकको जिवनयापनमा सहजता आओस भन्ने उद्देश्यले सम्मानगर्र्न लागिएको बताए ।
सरकारको एक वर्षपूरा भएको आवसरमा मुख्यमन्त्री राईले संघीय सरकारबाट सबै संरचना समयमै हस्तान्तरण नहुँदा कानून अभावमा सरकारले आपेक्षा अनुसार काम गर्न नपाएको बताए । उनले आगामी बर्षदेखि प्रदेशका इमान्दार कर्मचारीहरुलाई प्रोत्साहनसहित पुरस्कृत गर्ने पनि जानकारी दिए ।
कार्यक्रममा एक नम्बर प्रदेश प्रमुख डाक्टर गोबिन्दबहादुर तुम्वाहाङगले असहज परिस्थिति भएपनि एक नम्बर प्रदेश सरकारको काम सन्तोषजनक भएको बताए । यस्तै एक नम्बर प्रदेशसभाका सभामुख प्रदिपकुमार भण्डारीले कानून र संरचना अभावको चुनौती झेलेर पनि २३ वटा कानून निर्माण गर्न र संयन्त्र आफै निर्माण गरेर परिचालन गर्न सफल हुनुले प्रदेश सरकार सफल भएको बताए ।
