बिराटनगर, फागुन ४
१ नम्बर प्रदेश सरकारले १ नम्बर प्रदेश प्रहरीलाई २०० थान मोटरसाईकल खरिद गरी हस्तान्तरण गरेको छ । प्रहरीलाई प्रदेशका ग्रामिण स्थानहरुमा समेत प्रहरी परिचालन गर्न सहज हुने र शान्ति सुरक्षामा थप टेवा पुग्ने उदेश्य अनुसार सवारी साधन हस्तान्तरण गरिएको हो ।
१ नम्बर प्रदेशको मुख्य मन्त्री तथा मन्त्रीपरिषदको कार्यालयमा प्रदेश प्रमुख माननीय डा. गोबिन्द बहादुर तुम्बहाङको प्रमुख आतिथ्यतामा आयोजित बिशेष कार्यक्रमका बिच प्रदेश १ का आन्तरिक मामिला तथा कानून मन्त्रालयका माननीय मन्त्री हिक्मत बहादुर कार्कीले प्रदेशका मुख्य मन्त्री माननीय शेरधन राईलाई सवारी साधनको चावी हस्तानतरण गरेका थिए ।
सोही कार्यक्रममा मुख्य मन्त्री माननीय शेरधन राईले १ नम्बर प्रदेश प्रहरी प्रमुख प्रहरी नायव महानिरीक्षक केदार रिजाललाई उक्त सवारी साधनको चावी हस्तान्तरण गरेका हुन् ।
