विराटनगर, फागुन २२
संघिय मामिला तथा सामान्य प्रशासन मन्त्री लालबाबु पण्डितले विराटनगर पुष्लाल चोक स्थित जागृति बृद्धा आश्रमका आश्रीत बृद्धबृद्धालाई कपडा तथा फलफुल वितरण गरेका छन् ।
उनले विहानी किरणद्धारा आयोजित एक कार्यक्रममा आश्रममा आश्रीत १२ जना बृद्धबृद्धालाइ कपडा तथा फलफुल वितरण गरेका हुन् । सो अबसरमा बोल्दै मन्त्री पण्डितले आफ्नो पार्टीले निर्वाचनका समयमा गरेको बाचा अनुरुप जेष्ठ नागरिकलाई मासिक ५ हजार रुपैयाँ सामाजिक सुरक्षा भत्ता पु¥याएर छाड्ने बताए ।
उनले मासिक ५ हजार रुपैयाँले जेष्ठ नागरिकको जिवन यापन गर्न ठुलो सहारा हुने भन्दै कार्यान्वयनमा सरकार लाग्ने बताए । कार्यक्रममा नेपाल कम्यूनिष्ट पार्टी (नेकपा) का प्रदेश नं. १ का सदस्य सत्यनारायण चौधरीले आफ्नो पार्टीको नेतत्वको सरकारलेनै सामाजिक सुरक्ष भत्ता मार्फत जेष्ठ नागरिकको सम्मान गर्न थालेको स्मरण गराउँदै जेष्ठ नागरिकका पक्षमा सदैव रहने प्रतिवद्धता जनाए ।
नेता चौधरीले सरकारले जेष्ठ नागरिकको स्वास्थ्य र सम्मानपूर्वक बाँच पाउने अधिकारको ग्यारेन्टी गरेको बताए । कार्यक्रममा विहानी किरणका अध्यक्ष बिरेन्द्र मेहता र समाजसेवी किशोर भट्टराइले जेष्ठ नागरिकका विभिन्न समस्या हुने भएकाले सरकारले जेष्ठ नागरिकहरुलाई प्रथामिकतामा राख्नुपर्ने बताए ।
