इलाम, फागुन ३०
इलामको माइपोखरी बजारमा बिहीबार भीषण आगलागी भएको छ । आगलागीबाट करिब १ करोड ४० लाखभन्दा बढीको क्षति भएको प्रहरीले जनाएको छ ।
सन्दकपुर गाउँपालिका १ र ३ मा पर्ने माइपोखरी बजार रहेको गमबहादुर मुखियाको घरबाट दिउसो १ बजे भान्सा घरबाट आगलागी शुरु भएको थियो । जिल्ला प्रहरी कार्यालय इलामका इन्स्पेक्टर सन्दीप ओलीका अनुसार छिमेकी चक्र मुखिया, योगबहादुर मुखियाँ, निमदोर्जे शेपाकोे घरमा आगो लाग्दा सो बराबरको क्षति भएको हो ।
उनका अनुसार इलाम नगरपालिकाको दमकल, नेपाल प्रहरी, शसस्त्र प्रहरी बल र स्थानीयबासीको सहयोगमा आगो नियन्त्रणमा लिएको थियो ।
