खोटाङ, पुस २८
खोटाङको दिप्रुङ गाउँपालिकाले बतासेको भीरचुङ्मा डाँडाबाट प्याराग्लाइडिङको सफल परीक्षण भएको छ । उक्त डाँडाबाट उडेको प्याराग्लाइडर बतासेकै सुनकोशी किनारमा रहेको सानो भँडारेघाटमा झार्ने गरी सफल परीक्षण भएको हो ।
पर्यटन प्रवद्र्धन गर्दै गाउँमा रोजगार सृजना गर्ने उद्देश्यले प्याराग्लाइडिङको परीक्षण गरिएको दिप्रुङ गाउँपालिकाका प्रमुख भुपेन्द्र राईले बताए ।
गाउँपालिकाले प्याराग्लाइडिङ र याफ्टिङका माध्यमबाट गाउँपालिकामा भित्रिने पर्यटकलाई धिप्लुङ झरनासम्म पुर्याउने लक्ष्य लिएको उनको भनाई छ । बतासेको भीरचुङ्मा डाँडाबाट एकसाथ चार वटा प्याराग्लाइडरले प्याराग्लाइडिङ उडान भरेका थिए ।
