रबिन्द्र बराल
रंगेली, चैत १८
‘दिगो विकास लक्ष्य प्राप्तिका लागि सहकारी’ भन्ने मुल नाराका साथ आगामी चैत २० गते मोरङको रंगेली नगरपालिकामा मनाउन लागिएको शहकारी दिवसको तयारी तिब्र पारिएको छ ।
६२ आँै सहकारी दिवस रंगेलीमा मनाइन लागेपछी रंगेली सिथत विभिन्न सहकारी संस्थाहरुले दैनिक विभिन्न कार्यक्रमहरु गर्दै आएका छन् । आईबार रंगेली स्थित काली मंन्दिर को प्राङ्गणमा खुल्ला हाजिरी जवाफ प्रतियोगिता आयोजना गरिएको थियो ।
त्यसैगरी सोमबार दिनावाबु धर्मशाला देखि अस्पताल लागायतका स्थानहरुमा सरसफाइ गरिएको छ । उक्त सरसफाइ कार्यक्रममा सद्भाव बचत, रंगेली बचत, महेर्सिमहि बचत, सुचना समृद्धि ,ग्राम लक्ष्मी बचत का प्रतिनिधि ,सियर सदस्य ,स्थानीय, बुद्धिजीवी , नेपाल प्रहरी लगायतको सहभागीता थियो ।
मोरङकै पुरानो सदरमुकाम रंगेलीमा पहिलो पटक सहकारी दिवसका अबसरमा आयोजना गर्न लागिएको जिल्ला व्यापि कार्यक्रमको तयारी अन्तिम चरण पुगेको व्यवस्थापन उपसमितिका संयोजक तथा सद्भाव बचत तथा ऋण सहकारी संस्था रंगेलीका अध्यक्ष कमलेश्वर ठाकुरले जानकारी दिए ।
