काठमाडौंको बबरमहलमा एउटा मोटरसाइकल दुर्घटना हुँदा चार जना गम्भीर घाइते भएका छन् ।
बा ९५ प ९४४१ नम्बरको मोटरसाइकलले सडक विभाग नजिकै रहेको जेब्राक्रसमा बाटो काट्दै गरेकी एक महिलालाई ठक्कर दिएको थियो । ठक्कर दिएर भागेको उक्त मोटरसाइकलले फेरि जिल्ला अदालत अगाडिको जेब्राक्रसमा पनि पुगेर बाटो काट्दै गरेका दुई महिलालाई ठक्कर दिएको थियो । दुर्घटनामा परि ४ जनागम्भीर घाइते भएका छन् । उनीहरुको नर्भिक र सिभिल अस्पतालमा उपचार भइरहेको छ । मोटरसाइकल चालक र घाइतेहरुको परिचय खुल्न बाँकी रहेको प्रहरीले जनाएको छ ।
