२८ जेष्ठ २०७६ विराटनगर : रंगेली बिराटनगर सडक खन्ड अन्तर्गत मोरङको धनपालथान ४ स्थित कर्सिया बजार नजिकै मंगलबार बिहान भएको सवारी दुर्घटनामा एक जनाको मृत्यु भएको छ । दुर्घटनामा अन्य दुईजना घाईते भएका छन्।
दुर्घटनामा घाईते भएका धनपालथान गाउँपालिका ४ बस्ने बर्ष १७ का मोेहम्मद जवारको उपचारका क्रममा विराटनगरस्थित न्यूरो अस्पतालमा उपचारको क्रममा मृत्यु भएको रंगेली प्रहरीले जनाएको छ । घाईते भएका धनपालथान ४ का बर्ष १८ का मोहम्मद केफ र भारत घर भई धनपालथानमा पाहुना आएका बर्ष १५ का मोहम्मद अफसर अन्सारीको पनि न्यूरोमा उपचार भईरहेको प्रहरीले जनाएको छ । एकाविहानै तीनजनालाई गाडीले ठक्कर दिएपछि आक्रोशित बनेका स्थानीयले केही समय सो सडकखण्ड अबरुद्ध बनाउका थिए ।
सडकमा रहेका तीनजनालाई पुुुुर्वबाट पश्चिमी तर्फ आउदै गरेको एनएमसी दुध डेरि काकरभिट्टाको मे १ च ४६०९ नम्बर को पिकप भेनले विहान साढे ५ बजे ठक्कर दिएको थियो । पिकप भेन चालक मेची नगरपालिका ७ बस्ने बर्ष ४२ का गोविन्द अधिकारीलाई नियन्त्रणमा लिएर अनुशन्धान भईरहेको ईलाका प्रहरी कार्यालय रंगेलीले जनाएको छ ।
