२ असार, विराटनगर ।
न्यूरो कार्डियो एण्ड मल्टिस्पेसियालिटि हस्पिटल र मेगा बैंक विराटनगरबीच अस्पतालले प्रदान गर्ने विभिन्न सेवा तथा सुविधाहरुमा दिइने छुट सम्बन्धी सम्झौतापत्रमा हस्ताक्षर भएको छ ।
सम्झौता अनुसार हस्पिटलमा उपचार गराउँदा बैंकबाट डेबिट, क्रेडिट, प्रिभिलेज कार्ड लिएका बैंकका ग्राहक तथा बैंकमा कार्यरत कर्मचारी तथा निजको परिवारले अस्पतालको सेवामा १५ प्रतिशत सम्म छुट पाउने न्यूरो हस्पिटलले जनाएको छ ।
सम्भौतापत्रमा न्यूरो हस्पिटलको अपरेशनल डाइरेक्टर राजेश भट्टराई र मेगा बैंकका १ नं प्रदेश प्रमुख अभिशेक कार्कीले हस्ताक्षर गरे । न्यूरो हस्पिटलको अपरेशनल डाइरेक्टर भट्टराईले स्वदेशमै गुणस्तरीय उपचारमा सहुलियत दिने उद्देश्यले दुईपक्षीय सम्झौता गरेको बताए ।
न्यूरो हस्पिटलले यस अघि पनि बिराटनगरको ग्लोबल आइएमई बैंक, सनराइज बैंक , नेपाल पत्रकार महासंघ मोरङ शाखा, मेट लाइफ इन्सोरेन्स , कुमारी बैंक लगायतका दर्जनौं संघ संस्थामा आवद्ध सदस्य तथा कर्मचारीहरुलाई छुटसहितको स्वस्थ्य सेवा प्रदान गर्दै आएको छ ।
