Nepal Times
Nepal Times
3
Shares

राष्ट्रियसभाको निर्वाचनकालागि मतदाता शिक्षा सञ्चालन

राष्ट्रियसभाको निर्वाचनकालागि मतदाता शिक्षा सञ्चालन

विराटनगर, माघ १३
माघ–२४ गते हुुन लागेको राष्ट्रियसभाको निर्वाचनकालागि मतदाता शिक्षा संचालनकालागि विराटनगरमा आज एक दिने मतदाता शिक्षा क्षेत्रीय प्रशिक्षण कार्यक्रम आयोजना गरिएको छ ।

निर्वाचन आयोगले मतदाता शिक्षा तथा राष्ट्रियसभाको निर्वाचनको तयारी,मतदान प्रक्रिया तथा मतगणना सम्वन्धमा जानकारी गराउने उद्धेश्यले प्रशिक्षण कार्यक्रमको आयोजना गरेको हो ।

प्रशिक्षण कार्यक्रममा १ र २ नम्वर प्रदेशका २१ जिल्लाका निर्वाचन अधिकृतहरुको सहभागिता रहेको छ । राष्ट्रियसभाको निर्वाचनका मतदाताहरुलाई निर्वाचन प्रक्रियावारे जानकारी गराउन प्रशिक्षण आयोजना गरिएको हो ।

प्रशिक्षण कार्यक्रमको १ नम्वर प्रदेशका मुख्य निर्वाचन अधिकृत राजुकुमार खतिवडाले उद्घाटन गर्नुभयो । कार्यक्रममा वोल्दै उहाँले राष्ट्रियसभाको निर्वाचनलाई व्यवस्थित बनाउन प्रशिक्षणको आयोजना गरिएको बताए ।

कार्यक्रममा मोरङका प्रमुख जिल्ला अधिकारी रामप्रसाद आचार्य, निर्वाचन आयोगका उप–सचिव चन्द्रवहादुर शिवाकोटी, क्षेत्रीय निर्वाचन कार्यालय विराटनगरका प्रमुख प्रेमप्रसाद सन्जेलले कार्यक्रमको उदेश्यबारे जानकारी गराउनु भएको थियो ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.